“ბედნიერი ვარ გოლით, რომელიც დედაჩემს ეკუთვნის იმიტომ, რომ მისი დაბადების დღეა” – გიორგი ქოჩორაშვილი

საქართველოს ეროვნული ნაკრების ფეხბურთელი, გიორგი ქოჩორაშვილი კომენტარს აკეთებს გუშინდელ მატჩში გამარჯვების შემდეგ, მადლობას უხდის გულშემატკივარს:

,,პირველ რიგში, რა თქმა უნდა, ბედნიერი ვარ იმიტომ, რომ მოვახერხეთ და პირველ თამაშში გამარჯვება მოვიპოვეთ. იმის თქმაც მინდა, რომ ჯერ არაფერი არაა დამთავრებული და სახლში გველოდება მეორე თამაში, უნდა დავისვენოთ და მოვემზადო მეორე თამაშისთვის.

ბედნიერი ვარ გუნდის გამარჯვებით და გუნდის კარგად თამაშით და ასევე გოლით, რომელიც დედაჩემს ეკუთვნის იმიტომ, რომ მისი დაბადების დღეა დღეს.

ჩემმა მეგობარმაც მითხრა, რომელიც სომხეთის ნაკრებში თამაშობს, რომ ამდენ ქართველს არ ელოდებოდა და ძალიან დიდი მადლობა მინდა გადავუხადო მათ. რაც არ უნდა ხდებოდეს ჩვენს ქვეყანაში, ისინი ყოველთვის მოდიან და მხარს გვიჭერენ.

მე ყოველთვის ძალიან წყნარად ვარ, როცა გვერდზე კიტე მიდგას, კვეკვე მიდგას, მექვაბა, შოთიკო ნონიკაშვილი, ყველა ჩემი გუნდელი ძალიან მაღალი დონის ფეხბურთელია და რა თქმა უნდა, კიტეს კაპიტნობა, კაშოს შემდეგ, დამსახურებულია“, – განაცხადა გიორგი ქოჩორაშვილმა.

ავტორი
მარიამ ხაჩირაშვილი