ისტორიკოსი, საქართველოს რესპუბლიკის პირველი მოწვევის უზენაესი საბჭოს წევრი, საქართველოს დამოუკიდებლობის აქტზე ხელმომწერი, ბეჟან ჯავახია საუბრობს ქვეყანაში არსებულ პოლიტიკურ ვითარებასთან დაკავშირებით და კონკრეტული შენიშვნა/მინიშნება აქვს საქართველოს მე-3 პრეზიდენტ, მიხეილ სააკაშვილის სასამართლო პროცესებთან მიმართებაში საზოგადოების დამოკიდებულებაზე:
,,ბიძინა ივანიშვილის კი არა, პუტინის დავალებას ასრულებენ მოსამართლეები და საერთოდ თვით ბიძინა და არსებული რეჟიმიც.
რამდენადაც აღფრთოვანებული ვარ იმ საპროტესტო მუხტით, რაც დღეს თბილისშია და ამავე დროს მაშფოთებს, როგორ შეიძლება დუმილით ხვდებოდეს იმას, რაც სასამართლოში მიხეილ სააკაშვილის წინააღმდეგ მიმდინარეობს!
ამიტომაც გაიჭიმა, გაიზლაზნა ბოლშევიზმი საქართველოში, რომ საზოგადოებას დაუჩლუნგდა ემპათიის და სამართლიანობის გრძნობა.
ბოლშევიკურმა რეპრესიებმა დათრგუნა ნების თავისუფლება და ღირსება გადაფარა ე.წ. პრაგმატიზმმა, თავის გადარჩენისა და პირადი კეთილდღეობის მოსაპოვებლად კონიუნქტურამ…
დღეს, ამ საკითხზე გაჩუმებაც სირცხვილია. საერთოდ დანაშაულია საზოგადოება გერქვას და დუმდე პოლიტპატიმრების საკითხზე…”, – წერს ბეჟან ჯავახია.
ავტორი
ნინი ხიჯაკაძე
