აფხაზეთის უზენაესი საბჭოს ყოფილი თავჯდომარის, თამაზ ნადარეიშვილის შვილი, თავდაცვის ყოფილი მინისტრის, ბაჩო ახალაიას მეუღლე ანი ნადარეიშვილი ემოციური შეფასებებით ეხმაურება საქართველოს მე-3 პრეზიდენტის, მიხეილ სააკაშვილისთვის განაჩენების გამოცხადებას და პოლიტიკაში ჩართვის განაცხადს აკეთებს:
“ეს უპრეცედენტო გადაწყვეტილება მარტო მიშა სააკაშვილის განაჩენი არ არის, ეს არის ქართველი ხალხისთვის გამოტანილი განაჩენი, იმ წარმატებული ეპოქისთვის, რომლითაც ყველა პატრიოტი ქართველი ვამაყობთ.
დღევანდელ რეალობაში არის მხოლოდ ორი მხარე – ნათელი და ბნელი; ქართული და რუსული; ცივილიზებული სამყარო და პუტინისტური; ნაცური და ქოცური!
ამდენი წელი გავიდა და ვერავინ ვერ დადო რამე სხვა რეცეპტი, იმიტომ რომ ყველაფერი დანარჩენი სიყალბეა. როდემდე უნდა ვიცხოვროთ იმ ილუზიაში, რომ რუსი რუსთაველზე ცეკვა-თამაშით ჩავლილი მარშით შეშინდება და წავა?! ანდა როდემდე უნდა ვიყოთ თავდაცვის რეჟიმში?! საკმარისად გვაქვს ქვები შეგროვებული, ამდენი წელი ვაგროვეთ და ახლა ჩვენი მოქმედების დროა!
არასოდეს ვყოფილვარ არცერთი პარტიის წევრი და ახლა საჯაროდ მივმართავ ერთიან ნაციონალური მოძრაობას, ლევან ხაბეიშვილს, თინა ბოკუჩავას გთხოვთ მიმიღოთ ერთ რიგით ჯარისკაცად!” – წერს ფეისბუქის პირად გვერდზე ანი ნადარეიშვილი.
