საქართველოს მესამე პრეზიდენტი, მიხეილ სააკაშვილი, “ვივამედიდან” სასამართლო პროცესზე ჩართვისას, საუბრობს მისი გასამართლების კონკრეტულ მიზეზებზე და აცხადებს, რომ მას სჯიან განხორციელებული წარმატებული რეფორმებისა და საქმეების გამო:
,,ეს, პრაქტიკულად განადგურება, ვითომ სასამართლოს წესით არის იმისათვის, რომ ქართველი ხალხი და ყველა ჩემი მომხრე დააშინონ და ამით ცდილობენ ასევე პრეზიდენტ ზელენსკის გაუგზავნონ მუქარის გზავნილი, რადგან ეუბნებიან მასაც, რომ იგივე ბედი ელის თუ უკრაინას არ ჩააბარებს.
მე განსაკუთრებით ცინიკურად მსჯიან და მანადგურებენ ქვეყნის არჩაბარებისთვის 2008 წელს; აჭარის საქართველოს იურისდიქციაში დაბრუნებისთვის 2004 წელს, როდესაც რუსეთს გამოვგლიჯეთ სეპარატისტული კარტი; იმისათვის, რომ გავბედე და საქართველოს წარმატებულ სახელმწიფოდ ჩამოყალიბება შევძელი; იმისათვის, რომ პოლიცია, კრიმინალი დავამარცხე; იმისათვის, რომ ხალხისთვის ვიღწვოდი და არა საკუთარი ჯიბისთვის.
ბოროტების ძალებისთვის მე ვიყავი საშიში, როგორც პრეზიდენტი, როგორც ოდესის ოლქის გუბერნატორი და უკრაინისთვის მებრძოლი. მე მათთვის საშიში ვარ ციხეშიც და საშიში ვიქნები მკვდარიც. იმიტომ, რომ ჩემი სახელი სამუდამოდ უკავშირდება თავისუფლებისთვის და სიკეთისთვის ბრძოლას“, – განაცხადა მიხეილ სააკაშვილმა.
ავტორი
მარიამ ხაჩირაშვილი
