კონფერენცია – საქართველო, უკრაინა და თანამედროვე მსოფლიო: უკრაინის მხარდაჭერა და კიდევ ერთხელ ხაზგასმა, რომ რუსეთი ოკუპანტია

16 მარტს თბილისში გაიმართა კონფერენცია – “საქართველო, უკრაინა და თანამედროვე მსოფლიო”, რომლის ორგანიზატორი იყო “მოძრაობა – სამოქალაქო საზოგადოება მიხეილ სააკაშვილის თავისუფლებისთვის”.

ღონისძიების მიზანი იყო, კიდევ ერთხელ დაენახა საერთაშორისო პარტნიორებს საქართველოში არსებული ვითარება და ამავე დროს, ამ რთულ პერიოდში, მხარდაჭერა გამოხატვა მომხდარიყო უკრაინის მიმართ.

კონფერენციაზე განხილული იყო ორი მნიშვნელოვანი საკითხი:

1. საქართველოს მესამე პრეზიდენტის, მიხეილ სააკაშვილის პოლიტიკური პატიმრობა და სხვა პოლიტპატიმრები საქართველოში;

2. უკრაინის მხარდაჭერა და კიდევ ერთხელ ხაზგასმა, რომ რუსეთი ოკუპანტია.

ღონისძიებას ესწრებოდნენ არასამთავრობო ორგანიზაციები, პროდასავლური პარტიების ლიდერები, ასევე, განხორციელდა უკრაინის ხელისუფლების და სამოქალაქო საზოგადოების წარმომადგენლების ვიდეოჩართვები. კერძოდ, უკრაინის მხრიდან კონფერენციაზე გამომსვლელები იყვნენ:

• ბატონი მიხაილო პოდოლიაკი – უკრაინის პრეზიდენტის ვოლოდიმირ ზელენსკის მრჩეველი;

• ბატონი ვადიმ გალაიჩუკი – უკრაინის უმაღლესი რადის დეპუტატი, უკრაინის რადას ევროკავშირთან ურთიერთობებისა და ინტეგრაციის კომიტეტის თავჯდომარის პირველი მოადგილე;

• დენის ბორდიანი “უკრაინული ცენტრი მშვიდობის შენებისთვის” ხელმძღვანელი;

• ექსპერტი ბორის ბაბინი.

კონფერენციის მონაწილეებმა განსაკუთრებით დადებითად შეაფასეს ჩატარებული  ღონისძიება და აღინიშნა, რომ ძალიან მნიშვნელოვანია ასეთი სახი ერთობლივი კონფერენციები, ვინაიდან უკრაინა და საქართველო ყოველთვის იბრძოდა ერთი მტრის წინააღმდეგ, როგორიც არის რუსეთი.