საპროტესტო მოძრაობაში სოციალური ქსელების როლისა და გავლენის შესახებ საუბრობს ანალიტიკოსი ზაალ ანჯაფარიძე:
“თაობების ინტერესებსა და გადაწყვეტილებებს ხშირად სწორედ ის კულტურული და ღირებულებითი ნორმები განაპირობებს, რომელიც მიღებულია მათ თაობაში.
ამიტომაც, თუ გინდა სოციალური ქსელებით (მაგალითად Facebook) მაქსიმალური კომუნიკაციური და მობილიზაციური ეფექტი მიიღო, ანუ შენი ფბ- სტატუსი ან გზავნილი მოტივატორი გახდეს, შინაარსობრივად საკომუნიკაციო ხაზები გამიჯნული უნდა იყოს აუდიტორიის ასაკობრივი ჯგუფების მიხედვით.
მარტივი მაგალითი – ქუჩის საპროტესტო აქციები თბილისსა თუ სხვა ქალაქებში, ძირითადად სოცქსელებით ორგანიზდება. და ჩვენ მკაფიოდ ვხედავთ, რომ უფროსი და საშუალო თაობის უმრავლესობისთვის, ისინი მიუღებელია, სწორედ ზემოხსენებული მიზეზების გამო. მათთვის ამ აქციების ქარგას ხშირად კეთროვანის ეფექტი აქვს“, – წერს ფეისბუქის პირად გვერდზე ზაალ ანჯაფარიძე.
