“ერთიანობა ნაციონალური მოძრაობის” ლიდერი, სოფო ჯაფარიძე, მწვავე შეფასებებით ეხმაურება თბილისის საქალაქო სასამართლოს მიერ საქართველოს მე-3 პრეზიდენტის მიხეილ სააკაშვილისთვის “საზღვრის კვეთის” საქმეზე განაჩენის გამოცხადებას:
“ეს არ არის სასამართლო, ეს არის ცირკად ქცეული შენობა, სადაც ყველაფერია სიმართლის გარდა, სადაც სიტყვა სამართალი არის სრულიად შეუსაბამო და უბრალოდ აღარ არსებობს ის.
ივანიშვილისთვის მთავარი პრობლემა არის მიხეილ სააკაშვილი, ეს ვიცით და სწორედ ამიტომ ისინი ყველაფერს იყენებენ, რომ მიხეილ სააკაშვილი თავიანთი ჭკუით დასაჯონ.
მიხეილ სააკაშვილი ისჯება ქვეყნის სიყვარულისთვის, იმისათვის, რომ რუსეთს არ გადააბარა, იმისათვის, რომ სწრაფი ტემპით ატარა დასავლეთისკენ და საქართველო აქცია მსოფლიოსთვის ნომერ პირველ რეფორმატორ ქვეყნად, მოსპო კორუფცია და რომელ ერთ სიკეთეზე შეგვიძლია ვისაუბროთ, რაც მიხეილ სააკაშვილის მმართველობის პერიოდში ჩვენს ქვეყანაში ხდებოდა”, – განაცხადა სოფო ჯაფარიძემ.
ინფორმაციას “ერთიანობა ნაციონალური მოძრაობის” პრესსამსახური ავრცელებს
