,,ერთიანობა – ნაციონალური მოძრაობის” თავმჯდომარე, თინა ბოკუჩავა ჟურნალისტებთან კომენტარს აკეთებს საქართველოს მე-3 მიხეილ სააკაშვილთან დაკავშირებით გამართულ ღონისძიებაზე:
,,დღეს ტარდება ძალიან მნიშვნელოვანი კონფერენცია, რომლის მთავარი მოთხოვნა და განხილვის თემა არის პრეზიდენტ სააკაშვილის, ივანიშვილის რეჟიმის პოლიტპატიმრის განთავისუფლება ისევე, როგორც ყველა რეჟიმის პოლიტიკური პატიმრის, რომლებიც არიან ივანიშვილის რეპრესიების მსხვერპლი და იდევნებიანი ჩვენი ქვეყნის ევროპული მომავლისთვის ბრძოლისთვის.
ასევე კარგად გვესმის, რომ პრეზიდენტი სააკაშვილის პატიმრობა განპირობებულია იმით, რომ მან არ დათმო ქართული სახელმწიფოებრიობა. სწორედ ის ბრალი, რასაც მას უყენებს რუსული რეჟიმი და ის ბრალი, რასაც პუტინი უყენებს ასევე პრეზიდენტ ზელენსკის და ამ თვალსაზრისით უკრაინის და საქართველოს ბედი არის ერთმანეთზე გადაჯაჭვული და მნიშვნელოვანია, რომ ახლა სამშვიდობო მოლაპარაკებების დროს მოხდეს საქართველოს საკითხის აქტუალიზაცია და ამ ყველაფრის კონტექსტუალიზაცია ხდება პრეზიდენტის სააკაშვილის გათავისუფლების მოთხოვნით შემდგარ კონფერენციაზე, რომელსაც ესწრება უამრავი სხვადასხვა სფეროს წარმომადგენლები იქნებიან ეს მხატვრები, პოლიტიკოსები, აქტივისტები, ჟურნალისტები თუ სხვა“, – განაცხადა თინა ბოკუჩავამ.
