“ნაციონალური მოძრაობა” ადგილობრივი თვითმართველობის არჩევნებში მონაწილეობას არ აპირებს, თუკი არ დაინიშნება პარლამენტის ხელახალი არჩევნები. აღნიშნულთან დაკავშირებით პოლიტიკურ შეფასებებს აკეთებს “ხალხის ძალის” ერთერთი ლიდერი, გურამ მაჭარაშვილი:
“კოლექტიურმა “ნაცმოძრაობამ” და მისმა ანასხლეტებმა არათუ არ უნდა მიიღონ მონაწილეობა არჩევნებში, არამედ საერთოდ უნდა გაქრნენ ქართული პოლიტიკიდან. საგამოძიებო კომისიაც და ჩვენი, “ხალხის ძალის” წერილები თუ კომენტარები ზუსტად ამას ემსახურება, რომ კოლექტიური “ნაცმოძრაობა” უნდა გაქრეს ქართული პოლიტიკიდან. არჩევნებში მონაწილეობა კი არა, საერთოდ პოლიტიკაში არ უნდა იყვნენ.
თუ არ მიიღებენ არჩევნებში მონაწილეობას, რა თქმა უნდა, ეს იქნება ძალიან სწორი იმიტომ, რომ აუცილებლად შეივსება ის პოლიტიკური ველი, რომელსაც უკვე ტოვებს კოლექტიური “ნაცმოძრაობა“, – განაცხადა გურამ მაჭარაშვილმა.
