გეოპოლიტიკური ცვლილებები და საქართველოს ადგილი ახალ რეალობაში… მთავარი საკითხი, რაც ძირითადი განხილვის თემაა როგორც ქვეყნის შიგნით, ასევე უცხოეთში – სტრატეგიულ პარტნიორებთან. თემასთან დაკავშირებით პოლიტიკურ შეფასებებს და განმარტებებს აკეთებს “სტრატეგია აღმაშენებლის” და “ერთიანობა ნაციონალური მოძრაობის” ერთ-ერთი ლიდერი, პაატა მანჯგალაძე:
“ივანიშვილის რეჟიმი ცდილობს, თავი „ტრამპისტებად“ გაასაღოს. ზოგიერთი ქოცი ლიდერი იმდენად შეიჭრა ამ როლში, რომ თავს ტრამპზე უფრო ტრამპისტად გვაჩვენებს. ამავე დროს, გვიმტკიცებენ, რომ ივანიშვილის “ბუტკიდან” 10 ტრილიონიანი კაპიტალის მქონე BlackRock-ს ამარცხებენ და ვაშინგტონის პოლიტიკაზეც კი აქვთ გავლენა.
ამ ფარსს ორი მიზანი აქვს: დაფარონ თავიანთი პუტინისტობა და ღალატი და დასავლეთთან დაპირისპირება „ბაიდენის ადმინისტრაციასთან იდეოლოგიურ კონფლიქტად“ გაასაღონ.
ვაშინგტონში ამას არავინ ჭამს, მაგრამ საქართველოში ჯერ კიდევ ჰყავთ მომხმარებლები.
მსოფლიო წესრიგი იცვლება. ავტორიტარული რეჟიმები, მათ შორის, ივანიშვილი, ცდილობენ დასავლეთის წინააღმდეგ რუსეთთან გაერთიანდნენ, სადაც არც დემოკრატიას და არც სამართლიან არჩევნებს არავინ ითხოვს.
ქოცები ოცნებობენ, საქართველო „ახალ გადანაწილებაში“ რუსეთთან ერთად აღმოჩნდეს. დასავლეთი მოითხოვს ანგარიშვალდებულებას, ანტიკორუფციულ რეფორმებს და დემოკრატიას. რუსეთი სანაცვლოდ მხოლოდ საქართველოს ღალატს ითხოვს, რაც ქოცებისთვის ჩვეული ამბავია.
ღია პრორუსულ რიტორიკას საქართველოში შეზღუდული ლიმიტი აქვს, ამიტომ ქოცები ცდილობენ, ანტიამერიკული პოლიტიკა „ბაიდენთან უთანხმოებად“ გაასაღონ. მათი რეალური მიზანი დასავლეთისგან ჩამოშორება და რუსულ ორბიტაში გადასვლაა. ეს არის მხოლოდ და მხოლოდ ღალატის ნიღაბი.
ეს ნიღაბი ვერ დაიცავთ. ისევე დამარცხდებიან ქართველ ხალხთან, როგორც 1990 წელს საბჭოთა პარტიული ნარჩენები და 2003-ში შევარდნაძის კორუმპირებული რეჟიმი.
რაც უნდა ილაპარაკონ, ფაქტი ერთია: ეს არის კრემლის პროექტი, რომელიც საქართველოს გაწირვას ცდილობს. ვერავინ მოატყუებს ქართველ ხალხს – ჩვენ გვახსოვს, ვინ არის ჩვენი სტრატეგიული პარტნიორი და ვინ – ოკუპანტი!” – აცხადებს პაატა მანჯგალაძე.
ინფორმაციას “სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
