16 მარტს დაგეგმილი კონფერენციის თაობაზე განმარტებებს აკეთებს “მოძრაობა – სამოქალაქო საზოგადოება მიხეილ სააკაშვილის თავისუფლებისთვის”:
“16 მარტს 11:00 საათზე გაიმართება კონფერენცია – “საქართველო, უკრაინა და თანამედროვე მსოფლიო”, რომლის ორგანიზატორი არის, “მოძრაობა – სამოქალაქო საზოგადოება მიხეილ სააკაშვილის თავისუფლებისთვის”.
ღონისძიების მიზანია, კიდევ ერთხელ დავანახოთ ჩვენს საერთაშორისო პარტნიორებს საქართველოში არსებული ვითარება და ამავე დროს, ამ რთულ პერიოდში, მხარდაჭერა გამოვხატოთ უკრაინის მიმართ.
განხილული იქნება ორი მნიშვნელოვანი საკითხი:
1. საქართველოს მესამე პრეზიდენტის, მიხეილ სააკაშვილის პოლიტიკური პატიმრობა და სხვა პოლიტპატიმრები საქართველოში;
2. უკრაინის მხარდაჭერა და კიდევ ერთხელ ხაზგასმა, რომ რუსეთი ოკუპანტია.
ღონისძიებას დაესწრებიან არასამთავრობო ორგანიზაციები, ოპოზიციის ლიდერები, ასევე, უკრაინის ხელისუფლების და სამოქალაქო საზოგადოების წარმომადგენლები, ვიდეო ჩართვებით“, – ნათქვამია განმარტებით ინფორმაციაში.
ღონისძიება იწყება 11:00 საათზე მის. რუსთაველის 13, “თბილისი მერიოტი”
საკონტაქტო პირი მანანა ანდღულაძე, ტ. 599 02 43 23
