“ქართული ოცნების” რეგიონალური მდივანი, პარლამენტის დეპუტატი, დიტო (დიმიტრი) სამხარაძე წინა არჩევნების გამარჯვების მთავარ ფაქტორად პარტიის საპატიო თავმჯდომარეს ბიძინა ივანიშვილს მიიჩნევს და მომავალ არჩევნებშიც დიდი წარმატებების მოლოდინი აქვს:
“დღევანდელ დღეს არის თემატური და იმიტომ ვწერ!
საარჩევნო კამპანიის დაწყებიდან ნახევარი მსოფლიო იყო ჩართული ჩვენს წინააღმდეგ. არჩევნების დასრულების ბოლო წუთამდე, აბა სანქციებიო, უცხოელი ბიუროკრატების განცხადებები, უცხოეთში ჩვენი მხარდამჭერი მოქალაქეების დაშინება, მიკერძოებული დამკვირვებლები, რეგიონებში ჩვენი საწინააღმდეგო აქტივობების დაფინანსებები, ფეიკები, დიდი ფულის ფლანგვა, მოღალატე ენჯეოები, აქაური მანქურთების ჩართულობა და რა? მაინც გავიმარჯვეთ!!!
მოვიგეთ, იმიტომ რომ ჩვენი გუნდის ლიდერია ერისკაცი ბიძინა ივანიშვილი, მართალი კაცი, რომელიც ვერ აიძულეს საკუთარი ხალხის საწინააღმდეგო ნაბიჯი გადაედგა! წარმოუდგენელი ზეწოლის მიუხედავად, ყველა მისი ქმედება საქართველოს დამოუკიდებლობის და სუვერენიტეტის დაცვისაკენ იყო გადადგმული! კიდევ ერთხელ, როგორც 2012 წელს დააყენა საკუთარი ოჯახი უდიდესი საფრთხის ქვეშ საქართველოს გადარჩენისთვის, ახლაც იგივე ნაბიჯი გადადგა, საფრთხის მასშტაბები გაცილებით დიდი იყო! დღესაც, ერისკაცი ბოლომდე იცავს ჩვენს ქვეყანას და ეს იცის ჩვენმა ერმა და აფასებს! ეგ სხვას ვეგონეთ ქართველები დაუნახავები და უმადურები. დღეს კი ვფიქრობ ჩვენმა ერმა ნაწილობრივ გაგაცანით მაგ სხვებს ჩვენი ქართული იდენტობა!
კიდევ იმიტომ მოვიგეთ, რომ ქართული ოცნების შტაბის უფროსი იყო პრემიერი ირაკლი კობახიძე, ძლიერი მენეჯერი, საქართველოზე უზომოდ შეყვარებული კაცი, სულით და გულით ჩვენი სამშობლოს ერთგული კაცი! მოვიგეთ, რომ ქართული ოცნების ყველა ლიდერი, პასუხისმგებელი პირები, ერთგულად ემსახურებიან ჩვენს ხალხს და სამშობლოს! მოვიგეთ, რომ ქართული ოცნების თითოეული ჯარისკაცი, ბოლომდე იბრძოდა ჩვენი ქვეყნის გამარჯვებისთვის!
რაც მთავარია მოვიგეთ იმიტომ, რომ საქართველოს მოსახლეობამ სიმართლეს, ღირსებას და ქვეყნის ერთგულებას დაუჭირა მხარი და როდესაც ერი ვერთიანდებით, მაშინ ვერავინ გვამარცხებს! წარმოიდგინეთ ნახევარი მსოფლიოც კი! წინ კიდევ ბევრი სამუშაო გვაქვს! ყველა მერს და საკრებულოს მოვიგებთ! უფალი ფარავდეს ჩვენს ხალხს და საქართველოს✊🏻4️⃣1️⃣🇬🇪“, – წერს ფეისბუქის პირად გვერდზე დიტო სამხარაძე.
