“სტრატეგია აღმაშენებლის” და “ერთიანობა ნაციონალური მოძრაობის” ერთ-ერთი ლიდერი, პაატა მანჯგალაძე მმართველი პარტიის პროპაგანდაზე ამახვილებს ყურადღებას:
“თუ ყურადღებით დავაკვირდებით ქოცპროპაგანდას, დავინახავთ მათ მთავარ გზავნილს – ღირსებით პუტინისკენ!
ამერიკა – მტერია
ევროკავშირი – მტერია
ბალტიის ქვეყნები – მტრები არიან
ბრიტანეთი – მტერია
საფრანგეთი – მტერია
გერმანია – მტერია
პოლონეთი – მტერია
უკრაინა – მტერია
დღესაც, 100 წლის შემდეგ, იგივე პროპაგანდაა, იგივე მიზნებით – დაფარონ ღალატი!
მაშინაც ამტკიცებდნენ, რომ დასავლეთი მტერია.
მაშინაც აცხადებდნენ, რომ ბრიტანელები, ფრანგები და ყველა, ვინც საქართველოს დამოუკიდებლობა აღიარა, ჩვენი მტრები იყვნენ.
მაშინაც გვყავდა ხელისუფლება, რომელიც ქვეყნის ოკუპანტს ემსახურებოდა.
მათთვის, ვინც საქართველოს ტერიტორიულ ერთიანობას და სუვერენიტეტს არ აღიარებს, მტერი არ არის. მათთვის მტრები მხოლოდ ისინი არიან, ვინც ჩვენს ერთობასა და თავისუფლებას იცავს!
ვის ინტერესშია, რომ საქართველო მარტო დარჩეს, მოკავშირეების გარეშე? ვის უნდა, რომ ჩვენი ქვეყანა დაუცველი იყოს? პასუხი ყველამ ვიცით – ეს მარტო სურთ მათ, ვისაც საქართველოს განადგურება უნდა!” – აცხადებს პაატა მანჯგალაძე.
ინფორმაციას “სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
