,,ჭავჭავაძის კვლევითი” ცენტრის დამფუძნებელი, ზაზა ბიბილაშვილი სოციალურ ქსელში სტატუსს აქვეყნებს, სადაც თავის პოზიციას აფიქსირებს აშშ-ს პრეზიდენტის, დონალდ ტრამპის განცხადებებთან თუ პოლიტიკასთან დაკავშირებით:
,,პასუხად მათ, ვინც გვეუბნება, რომ ყურადღება არ მივაქციოთ ტრამპის სიტყვებს და მხოლოდ შედეგებით ვიმსჯელოთ:
მეგობრებო, სიტყვები უკვე შედეგია, ცოცხალი პოლიტიკაა. ლიდერის სიტყვები განსაზღვრავენ საზოგადოებრივ აზრზს, აყალიბებენ ამომრჩევლის განწყობებს.
ტრამპი თავისი სიტყვებით ამერიკის მტრებად წარმოაჩენს ევროპასა და კანადას. დღეს იაპონიასაც გადაწვდა… პარალელურად, ერთხელ არ დასცდენია აუგი პუტინზე.
თავისი სიტყვებით – თავისი რიტორიკით – ტრამპი ცვლის ამერიკელი ამომრჩევლის მნიშვნელოვანი ნაწილის აღქმას იმისა, თუ ვინ არის მტერი და ვინ – მოყვარე.
ესაა ფუნდამენტური პრობლემა გრძელვადიანი შედეგით, თორემ მოკავშირეებს შორის ნებისმიერი სავაჭრო-ეკონომიკური უთანხმოების მოგვარება უპრობლემოდ შეიძლებ(ოდ)ა შიდა, თუნდაც ხისტი დიპლომატიით.
ის, რომ დღეს ამერიკელების ნაწილის გაღიზიანებას უკრაინა, ევროკავშირი, კანადა და იაპონია იწვევს და არა რუსეთი, უკვე დამდგარი შედეგია, რომელიც, თავის მხრივ, ბევრ უარყოფით გამოვლენას ჰპოვებს უახლოეს მომავალში. შედეგი, რომელიც დამღუპველია ამერიკისთვის და ყოველთვის საოცნებო იყო რუსეთისთვის.
ხოდა, ეძახეთ ახლა ამას თქვენ “სიტყვები“, – წერს ზაზა ბიბილაშვილი.
ავტორი
ნინი ხიჯაკაძე
