ფსიქოლოგი, არტთერაპევტი, ფსიქოთერაპიის ცენტრ “კამარა”-ს დამფუძნებელი ნათია ფანჯიკიძე თავის ემოციურ პოზიციას აფიქსირებს იმასთან დაკავშირებით, რომ საპროტესტო აქციებზე დაკავებულ ახალგაზრდებს ქართულმა სასამართლომ 9-წლიანი პატიმრობა შეიძლება მიუსაჯოს:
“9 წელიო ხალხო. კომენტარიც კი არ ვიცი რა დავწერო.
აშშ ციხე სულაც არ არის ევროპულივით “საკურორტო” და ჰუმანური, მაგრამ აშშ-ში დემონსტრანტს საერთოდ არ დააპატიმრებდნენ. მართლა რაიმე წვრილმანი კანონდარღვევის გამოც კი, თუ მაინცდამაინც, იძულებით სამუშაოს მიუსჯიდნენ, არა მხოლოდ იმიტომ რომ ადამიანი კრიმინალი და ნასამართლევი არ არის, არამედ ჰუმანურობის მიღმაც – არცერთი გონიერი ქვეყანა ახალგაზრდა ძალას ქვეყნის სამსახურიდან არ გამოთიშავს ტყუილ-უბრალოდ.
ეს პატარა გველეშაპი ქვეყანა კი ასე მარტივად ყლაპავს თავისივე შვილებს“, – წერს ფეისბუქის პირად გვერდზე ნათია ფანჯიკიძე.
