“ივანიშვილის რეჟიმი არის განსხეულებული ბოროტება, რომელიც ანადგურებს ყველაფერს, სადაც სინათლის, სიკეთის და სიცოცხლის მარცვალს ხედავს” – ლელა ჯეჯელავა

ანალიტიკოსი ლელა ჯეჯელავა 6 მარტს გამართულ საპროტესტო აქციებზე დაკავებულთა სასამართლო პროცესს ეხმაურება და ბიძინა ივანიშვილის, ხელისუფლების მიმართ მძიმე შეფასებებს აკეთებს:

“პოლიტიკის გამო როგორ შეიძლება ადამიანს ზურგი აქციოო, ხშირად გაიგებთ. სრულიად ვიზიარებ. განსხვავებული პოლიტიკური გემოვნებისათვის ადამიანისთვის ზურგის ქცევა უკულტურობაა. უკულტურობაა ადამიანს მემარჯვენეობის ან მემარცხენეობისთვის, კონსერვატორობისთვის ან ლიბერალობისთვის შეურაცხყოფა მიაყენო.

მაგრამ ივანიშვილის რეჟიმს არც იდეოლოგია აქვს, არც პოლიტიკური მიმდინარეობა და არც დოქტრინა. ეს არის განსხეულებული ბოროტება, რომელიც ანადგურებს ყველაფერს, სადაც სინათლის, სიკეთის და სიცოცხლის მარცვალს ხედავს. ამ რეჟიმის მსახურება არის ბოროტებასთან თანაზიარება და აქ პოლიტიკა საერთოდ აღარ არსებობს.

ვისაც გუშინდელი [6 მარტის] სასამართლო პროცესები პოლიტიკა ჰგონია, მისთვის ღმერთი მკვდარია“, – წერს ფეისბუქის პირად გვერდზე ლელა ჯეჯელავა.