“უნდა ვაღიაროთ, რომ რუსთაველზე დგომა და მისი ყოველდღიური დაკავება, ერთადერთი და მნიშვნელოვანი პოლიტიკური პროცესია, რომლის წარმართვაც დღეს შესაძლებელია საქართველოში” – ლაშა ბუღაძე

ქართველი მწერალი და დრამატურგი, ლაშა ბუღაძე უმნიშვნელოვანეს პოლიტიკურ პროცესად მიიჩნევს რუსთაველის გამზირზე მიმდინარე უწყვეტ პროტესტს:

“მიუხედავად იმისა, რომ ზოგჯერ რუტინულად გვეჩვენება ერთსა და იმავე ადგილზე დგომა, და უკვე ერთი და იგივე, შეფუთულობისგან ძნელად ამოსაცნობი და ერთმანეთის პატივისცემით მოსიარულე ადამიანები ვხვდებით ერთმანეთს (ცოდვა გამხელილი სჯობს – ორიოდე დღის წინ საყვარელ მშობელსაც კი ავარიდე თვალი), უნდა ვაღიაროთ, რომ რუსთაველზე დგომა და მისი ყოველდღიური დაკავება, ერთადერთი და მნიშვნელოვანი პოლიტიკური პროცესია, რომლის წარმართვაც დღეს შესაძლებელია საქართველოში.

შევენაცვლოთ, მაგრამ ვიყოთ, თუნდაც ეს განსაკუთრებულ დისკომფორტს არ უქმნიდეს ამ უგუნურ ე. წ. ხელისუფლებას. აგერ 100-ე დღეც ახლოვდება და ერთმანეთს კიდევ უფრო მეტად უნდა ავუხსნათ, რატომ არის ეს საჭირო“, – წერს ფეისბუქის პირად გვერდზე ლაშა ბუღაძე.