კოალიცია ,,ძლიერი საქართველოს” ერთ-ერთი ლიდერი, ალეკო ელისაშვილი, ტვ პირველის გადაცემა ,,საჯარო პოლიტიკაში” საუბრობს გიორგი ბაჩიაშვილის მიერ ქვეყნის დატოვებასთან დაკავშირებით:
,,რაც შეეხება ბაჩიაშვილს, იმაზე უფრო მოხერხებული და ყოჩაღი ტიპი ყოფილა, ვიდრე მეგონა. მე პირადად არ ვიცნობ მას, არასდროს მინახავს, არანაირი შეხება არ მქონია, მაგრამ მართლა, როგორც ჩანს ძალიან მოხერხებული ტიპი ყოფილა და სწორია, რომ წავიდა, ობიექტურად სწორია.
იმიტომ, რომ ისედაც მანამდეც სილა გააწნა ბაჩიაშვილმა, ძალიან მნიშვნელოვანი რაღაცები გვაჩვენა და გვითხრა ივანიშვილთან დაკავშირებით და ახლაც კარგია, რომ წავიდა იმიტომ, რომ რო დარჩენილიყო გამოკეტავდნენ ციხეში და კიდევ ერთი პატიმარი იქნებოდა ციხეში და მეტი არაფერი.
მას აქვს რესურსები, რომ საერთო ბრძოლაში მონაწილეობა მიიღოს და როგორც ჩანს, აქვს კიდევ ინფორმაცია, ყოველ შემთხვევაში ინგასთან ვუსმენდი და თქვა, რომ ძალიან საყურადღებო რაღაცები მაქვსო. ხო და სჯობდა წასულიყო და კარგი სილა გააწყნა, ხელუკუღმა გააწნა სილა [ხელისუფლებას, ივანიშვილს].
კაცი, ესეთი მნიშვნელოვანი ადამიანი, რომელიც პირადად ივანიშვილს უპირისპირდება, რომელსაც ფული ვერ წაართვა ბიძინა ივანიშვილმა და ასე გეპარებათ – რა არიფები არიან ვინც მას უთვალთვალებდა ეგ წარმოიდგინეთ.
ყოჩაღ, ყოჩაღ, კარგია! ჯობია უცხოეთში წასვლა, ვიდრე კიდევ ერთი პატიმარი ყოფილიყო ციხეში და რასაც უნდა იმას დამართებდნენ ციხეში“, – განაცხადა ალეკო ელისაშვილმა.
ავტორი
მარიამ ხაჩირაშვილი
