საპროტესტო აქციებზე დაკავებულების სასამართლო პროცესი გაიმართა. პროცესზე სიტყვით გამოსვლისას რეზო კიკნაძე განმარტებებს აკეთებდა იმასთან დაკავშირებით, თუ რამ მოახდინა პროვოცირება, რომ ის ყოფილიყო საპროტესტო აქციების აქტიური მონაწილე:
,,პოლიციელები მაძალებდნენ, სხვადასხვა გვარებს მეუბნებოდნენ, რომ არა ეს დასახელე, არა ესო ორგანიზატორად. რანაირად უნდა დამესახელებინა როცა არ არსებობს!
თუ მაინცდამაინც კაი დავასახელებ ორგანიზატორს და რავი თუ გსურთ დაიჭირეთ – ეს არის ირაკლი კობახიძე! მე პირადად ირაკლი კობახიძის სიტყვის მერე გამოვედი იმ კონკრეტულ ადგილას, როდესაც განაცხადა, რომ ევროკავშირთან მოლაპარაკებებს 2028 წლამდე ვწყვეტო. ეს იყო ჩემი თავის ორგანიზატორი!
მინდა მადლობა გადავუხადო რუსის მიერ დამონებული ქვეყნის მტრეებს, რომლებმაც აქ გამომკეტეს, რათა ცხოვრების აზრი დამანახეს და მათ გამოა, რომ ეშმაკთან ჭადრაკის პარტიაში მოგებულ წლებს ფუჭად არ ჩაუვლია.
დავით აღმაშენებელმა ასეთი წერილი გაუგზავნა დამპყრობელ სელჩუკებს, როდესაც ხარკი მოთხოვეს, ერთი წინადადებაა და პატარა – ამიერიდან ჩვენ არავის ვეკუთვნით გარდა თვინიერ დამბადებლისა! გავიმარჯვებთ სახელოვნად! მადლობა!“, – განაცხადა რეზო კიკნაძემ.
ინფორმაციისთვის: მოსამართლემ 11-ვე დაკავებული: ანდრო ჭიჭინაძე, ონისე ცხადაძე, ჯანო არჩაია, რუსლან სივაკოვი, ლუკა ჯაბუა, გურამ მირცხულავა, ვალერი თეთრაშვილი, გიორგი ტერიშვილი, ირაკლი ქერაშვილი, რევაზ კინაძე და სერგეი კუხარჩუკი პატიმრობაში დატოვა.
ავტორი
მარიამ ხაჩირაშვილი
