მერაბ მეტრეველი, კონკრეტულ ფაქტებზე დაყრდნობით და მწვავე შეფასებებით, ეხმაურება მედიამენეჯერ მზია ამაღლობელის სასამართლო პროცესს:
“უბრალოდ, რომ წარმოიდგინოთ, როგორი „სამართლიანი“ სასამართლო შექმნა „ოცნებამ“:
წესით, სასამართლო ეფუძნება მხარეთა შეჯიბრობითობის პრინციპს ანუ ერთის მხრივ პროკურორი და მეორეს მხრივ ადვოაკატი წარადგენენ თავიანთ მტიცებულებებს და არგუმენტებს და მოსამართლე, მათი მოსმენის შემდეგ, იღებს გადაწყვეტილებას ანუ ვინც მეტად დაარწმუნებს იმის სასარგებლოდ.
ეს წესით. რას აკეთებს სინამდვილეში ქართული სასამართლო? ეს კარგად ჩანს მზიას საქმეზე. სასამართლომ პროკუტურის მიერ წარდგენილი მტკიცებულები დასაშვებად ცნო ანუ მიიღო, როგორც მტკიცებულებები, ხოლო დაცვის მხარის მიერ წარდგენილი მტკიცებულებებიდან არ დაუშვა ანუ არ მიიღო: 18 ვიდეო მტკიცებულება, 13 დათვალიერების ოქმი, 14 წერილობითი მტკიცებულება და 17 მოწმე.
სასამართლომ, მათ შორის, არ მიიღო მტკიცებულებად სილის გაწვნიდან რამდენიმე წამში გადაღებული ვიდეო, სადაც ჩანს, რომ დგებუაძეს ლოყა სულაც არ აქვს გაწითლებული (იცით, რომ ბრალს მაგით ამძიმებენ, დგებუაძეს ლოყა გაუწითლდა და ტკივილი იგრძნოო, მოწმეებიც მოიყვანეს, მართლაც ჰქონდა გაწითლებულიო. ეს მოწმეები, ბუნებრივია, დაუშვა).
მოდი ახლა და შეეჯიბრე პროკურატურას ასეთ პირობებში. ახალგაზრდა იურისტთა ასოციაცია ამბობს, რომ სასამართლომ, ამ გადაწყვეტილებით, მზიას ფაქტობრივად დაცვის უფლება წაართვა.
ქოცებო, დაგიფსათ ბიძინას ზებრამ სამართალზე!” – წერს ფეისბუქის პირად გვერდზე მერაბ მეტრეველი.
