ინფექციური საავადმყოფოს სამედიცინო დირექტორი მარინა ეზუგბაია ახალ იმედისმომცემ ინფორმაციას ავრცელებს. მისი თქმით ქვეყანაში კორონავირუსისგან გამოჯანმრთელებული პაციენტების რაოდენობა უკვე 16-მდე გაიზარდა:
“სიახლე ის არის, რომ ერთ პაციენტზე დილით ჩატარებული განმეორებითი ტესტირებით უარყოფითია პასუხია. ანუ, ერთი გამოჯანმრთელებული პაციენტი გვყავს, მაგრამ ჯერჯერობით მას კლინიკა არ დაუტოვებია, მაგრამ ის გამოჯანმრთელებულად ითვლება და ეს არის მე-16 პაციენტი. ე.ი. სულ 16 პაციენტია გამოჯანმრთელებული, 15 ჩვენს ცენტრში და ერთი საჩხერეში.
წუხელ შემოსული პაციენტის მდგომარეობა, საბედნიეროდ, სტაბილურია ამ ეტაპზე. კლინიკური მონაცემებით, დაავადება არ პროგრესირებს, ამ ეტაპზე. კლინიკურ-ლაბორატორიული გამოკვლევებით, ჯერჯერობით, მხოლოდ და მხოლოდ ორმხრივი პნევმონია დასტურდება. გართულების სხვა მონაცემები ჯერჯერობით არ გვაქვს,” – განაცხადა მარინა ეზუგბაიამ.
UPD: 29 მარტის დილის მონაცემებით კიდევ 2 პაციენტისთვის ჩატარებული ტესტი აღმოჩნდა უარყოფითი, შესაბამისად 10:30-ის მონაცემებით სულ ჯამში 18 პაციენტია გამოჯანმრთელებული კორონავირუსისგან, მათგან 2 ბავშვია.