,,ჭავჭავაძის კვლევითი ცენტრის” დამფუძნებელი, ზაზა ბიბილაშვილი სოციალურ ქსელში სტატუსს აქვეყნებს, სადაც საუბრობს აშშ-ს პრეზიდენტ ტრამპსა და უკრაინის პრეზიდენტის, ზელენსკის შეხვედრის დეტალებთან დაკავშირებით:
,,ყურადღებით ვუყურე ტრამპი-ზელენსკის შეხვედრის ამსახველ სრულ, 49-წუთიან ვიდეოს. სამი დეტალი თუ დაკვირვება:
1. ტრამპმა რამდენჯერმე გაიმეორა, პუტინს უამრავი უსამართლო ბრალდების ატანა უწევდა, თითქოს ამერიკის არჩევნებში ერეოდა, არადა სრულიად უდანაშაულო იყოო. მიუხედავად ამისა, პუტინს მაინც სურს მშვიდობაო. საქმეში ჩაუხედავი ადამიანი მადლიერებითაც კი განიმსჭვალებოდა პუტინის დიდსულოვნების გამო.
2. ბოლოსკენ ჟურნალისტი ეკითხება, დავუშვათ დაარღვია რუსეთმა ცეცხლის შეწყვეტის შეთანხმება, ამ შემთხვევაში რას შვრებითო. ამაზე ტრამპი პასუხობს, ეგრე ყველაფერი შეიძლება მოხდეს, მაგრამ არ დაარღვევს პუტინი შეთანხმებას, რადგან პატივს მცემსო. გარანტია რა იქნებაო, აკონკრეტებს ჟურნალისტი. პასუხი არ არის.
3. არ მახსენდება ამერიკის არც ერთი პრეზიდენტი, რომელიც ამდენს გააკრიტიკებდა თავის წინამორბედს და ამდენს ილაპარაკებდა წარსულზე არჩევნების მოგების შემდეგ. აშკარად ჩანს, რომ ტრამპი ამ თემაზე მართლა ემოციურია. მისთვის ბაიდენი და დემოკრატი მტერია, რუსი – არა.
ამჯერად არ შევაჯამებ. არც პარალელებს გავავლებ. ყველამ თავად გამოიტანოს დასკვნა“, – წერს ზაზა ბიბილაშვილი.
ავტორი
ნინი ხიჯაკაძე
