“დიდთოვლობისას საჭირო ტექნიკის მაგივრად წყლის ჭავლის მანქანები იყიდეს” – მიხეილ სააკაშვილი

საქართველოს მე-5 პრეზიდენტი, მიხეილ სააკაშვილი სტიქიასთან ბრძოლის მხრივ მწვავე შეფასებებს აკეთებს ხელისუფლებასთან მიმართებაში:

“ქვეყანაში რომ მძიმე ბუნებრივ პირობებთან შეჭიდების შესაძლებლობა არ არსებობს, ეს ნათლად დაგვანახა შოვის მოვლენებმა, მას შემდეგ არაფერი შეცვლილა.

არსებული ვითარება იმის შედეგია, რომ თავის დროზე გაიყიდა ფრანგული ვერტმფრენები და არაფრით არ მოხდა მათი ჩანაცვლება. დიდთოვლობისას საჭირო ტექნიკის მაგივრად კი წყლის ჭავლის მანქანები იყიდეს. სამწუხაროდ “მთავრობის” დაუდევრობისა და კორუფციის შედეგად ისევ მივიღეთ მორიგი მსხვერპლი…“, – აცხადებს მიხეილ სააკაშვილი.