ეროვნული ბიბლიოთეკის ყოფილი დირექტორი, ქართველი პოეტი, პროზაიკოსი, წიგნიერების გამავრცელებელი საზოგადოების თავმჯდომარე, ბიბლუსის შემოქმედებითი დირექტორი, გიორგი კეკელიძე “ბიბლუსი ჯგუფის” გენერალური დირექტორის ირაკლი გაგნიძის გარდაცვალების ფაქტს ეხმიანება:
“გაოგნებული და განადგურებული ვარ. ერთდროულად. მეც და ყველა ბიბლუსელი.
ირაკლი გაგნიძე, ადამიანი, ვინც რეალურად შექმნა ეს ბრენდი, Biblusi • ბიბლუსი იმ ფორმით, რაც თქვენ იცით, 42 წლის ასაკში, მოულოდნელი დიაგნოზით, უმძიმესი სენისგან, ხანმოკლე ბრძოლის შემდეგ გარდაიცვალა.
ირაკლი იყო სრულიად ბრწყინვალე პიროვნება და პროფესიონალი. თავის დროზე, ირაკლი თევდორაშვილთან ერთად, სწორედ მან შემომთავაზა, ,,ბიბლუსი ჯგუფს” შევერთებოდი და ამ ერთი წლის მანძილზე ბევრი რამ მოვასწარით ერთად. რაც მთავარია – დავმეგობრდით.
უცნაურად დაემთხვა, რომ სწორედ ამ დროს ვწერ წიგნს ონკოპაციენტის ისტორიაზე. ეს წიგნი ირაკლის ხსოვნას მიეძღვნება“, – წერს ფეისბუქის საკუთარ გვერდზე გიორგი კეკელიძე.
ინფორმაციისთვის: 42 წლის ასაკში, “ბიბლუსი ჯგუფის” გენერალური დირექტორი ირაკლი გაგნიძე გარდაიცვალა.
