თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორი ლევან რატიანი, ტელეკომპანია “რუსთავი 2”-ის საინფორმაციო გამოშვება “კურიერში” ჩართვისას, კორონავირუსთან დაკავშირებით კონკრეტულ შეფასება მოსაზრებებს აფიქსირებს და აცხადებს, რომ აღნიშნული ვირუსი უპირობოდ მკვლელი არაა და რომ იგი მომავალში შესაძლოა მოსახდელ დაავადებადაც კი მოვიხსენიოთო:
“რაც კაცობრიობა გაჩნდა სულ არსებობდა მიკროორგანიზმი, სულ არსებობდა დაავადება, მაგრამ პანიკის ატეხვა და შიშის განწყობა მოსახლეობაში ნიშნავს იმას, რომ ორგანიზმი უფრო მეტად დუნედ და დეპრესიული განწყობით ხვდება ვირუსს, ასეთ ორგანიზმს კი ბრძოლის უნარი არ გააჩნია.
მაინც და მაინც ნუ ვიფიქრებთ, რომ კორონავირუსი არის მკვლელი, ნამდვილად არ არის ასე! 80% შემთხვევა, ჯანდაცვის მსოფლიო ორგანიზაციის განმარტებით, არის “A” ტიპის კლინიკური ფორმა, ისე გაივლის ეს, მოსახდელი დაავადებაც კი შეიძლება დავარქვათ. სწორედ დადგა დრო, რომ ვიხმაროთ ეს სიტყვა.
ეს არის ინფექცია, რომელიც კაცობრიობამ ამ ეტაპზე უნდა მოიხადოს. 80% კლინიკური ფორმით მიდის, ხოლოდ და მხოლოდ 17% არის მსუბუქი და საშუალო მდგომარეობა და 3% არის ინტენსიურ თერაპიაზე მყოფი პაციენტი, რომლებსაც მაღალი რისკის ჯგუფი გააჩნიათ. ამიტომ არ უნდა შევუშინდეთ. მჯერა, რომ ჩვენი ქვეყანა ამას წარმატებითგადალახავს,” – განაცხადა ლევან რატიანმა.