ჟურნალისტი, ანალიტიკოსი არჩილ გამზარდია “სახელისუფლებო” პროპაგანდის საწინააღმდეგოდ ოპოზიციის სუსტ თუ არასათანადო მიდგომებზე საუბრობს და კონკრეტულ რჩევებს სთავაზობს:
“მეორე ფრონტის” გახსნის “სახელისუფლებო” პროპაგანდის საწინააღმდეგო პასუხი ოპოზიციისგან იყო და დღემდე არის ევროკავშირის გარანტიის მოხმობა, რაც ვერც არჩევნებამდე და ვერც დღეს ვერ იქნება საკმარისი ბალანსი ამ პროპაგანდის წინააღმდეგ.
იმის ნაცვლად, რომ ოპოზიციას აეხსნა თავად რა გონივრულ და მართლაც პრაგმატულ ნაბიჯებს გადადგამდა რუსეთისგან საფრთხის წინააღმდეგ, რა მოდიფიცირებას გაუწევდა საკუთარ რიტორიკასაც და გადაწყვეტილებებსაც, რაც რუსეთისგან თავდასხმის ალბათობას მინიმუმამდე შეამცირებდა, ოპოზიცია დღემდე ხელს იშვერს ევროკავშირისკენ, ან ამბობს რუსეთი ვერ გაბედავსო.
ეს რიტორიკა კი ოპოზიციას საფრთხის ამრიდებლის და გონიერი პოტენციური მმართველის ელფერსა და რეპუტაციას ვერ უქმნის, რადგან საჭიროა კონკრეტული არგუმენტების ანუ პოტენციურ გადაწყვეტილებათა წყება, თავად როგორ დააბალანსებს რისკებს ნაცვლად იმისა იძახონ რუსეთს აღარ შეუძლია ან სხვა გვიხსნის.
ზოგადად, ოპოზიციის მთელი რიტორიკა “თითის გაშვერის” რიტორიკაა, ოპოზიცია ყველგან იშვერს თავს, გარდა საკუთარი თავისა, რაც მის მიმართ ნდობას კიდევ უფრო ამცირებს.
“ქართული ოცნების” ტოტალიტარული პროპაგანდა ე.წ. “საკუთარ თავზე აღების” სტრატეგიაა, ოპოზიციისა კი გადამისამართების.
სანამ ოპოზიცია დღემდე არსებულ სტრატეგიას მიჰყვება და არ შეცვლის, მანამდე ისევ ტოტალიტარული ხელისუფლება ისარგებლებს“, – წერს ფეისბუქის პირად გვერდზე, არჩილ გამზარდია.
” – ელისო კილაძე მმართველ პარტიაზე