პარასკევი, მაისი 23, 2025
14.8 C
Tbilisi
spot_img
მთავარიევროკავშირი"ჩვენ ვერ ვიხელმძღვანელებთ იმით, რა მოეწონება და რა...

“ჩვენ ვერ ვიხელმძღვანელებთ იმით, რა მოეწონება და რა არა ბრიუსელში რომელიღაც გაზულუქებულ ბიუროკრატს – ჩვენ გამოვდივართ ჩვენი ქვეყნის ინტერესებიდან” – კახა კალაძე

ჩვენ ვერ ვიხელმძღვანელებთ იმით, რა მოეწონებათ და რა არა ბრიუსელში რომელიღაც გაზულუქებულ ბიუროკრატს – ჩვენ გამოვდივართ ჩვენი ქვეყნის ინტერესებიდან“, – ასე პასუხობს თბილისის მერი კახა კალაძე ჟურნალისტის კითხვას ესტონეთის საგარეო საქმეთა მინისტრის განცხადებებთან დაკავშირებით.

საქართველოს ხელისუფლება გააგრძელებს ქვეყნის ინტერესების დაცვას, გააგრძელებს ყველა იმ გადაწყვეტილების მიღებას, რომელიც ქვეყნისთვის, მისი მომავლისთვის არის საჭირო და მნიშვნელოვანი.

ჩვენ ვერ ვიხელმძღვანელებთ იმით, რა მოეწონება და რა არა ბრიუსელში რომელიღაც გაზულუქებულ ბიუროკრატს. ჩვენ გამოვდივართ ჩვენი ქვეყნის ინტერესებიდან და ყოველთვის გავატარებთ ისეთ პოლიტიკას, როგორიც სჭირდება ჩვენს ქვეყანას და მის მომავალს“, – განაცხადა კახა კალაძემ.

რაც შეეხება კითხვას, რა იქნება მმართველი გუნდის შემხვედრი ნაბიჯი ესტონეთის საგარეო საქმეთა მინისტრის განცხადებებთან მიმართებაში, თბილისის მერი პასუხობს, რომ მმართველი გუნდი ყოველთვის ქვეყნის ინტერესებიდან გამომდინარე იმოქმედებს.

ქართული ოცნების“ შემხვედრი ნაბიჯი არის ქვეყნის ინტერესების დაცვა. ჩვენ დავიცავთ საქართველოს, ჩვენს სამშობლოს, ამ ქვეყნის ინტერესს, ამ ქვეყანაში მცხოვრებ ყველა ადამიანს, განურჩევლად პოლიტიკური შეხედულებებისა. ყოველთვის გავატარებთ ისეთ პოლიტიკას, რომელიც, პირველ რიგში, ითვალისწინებს საქართველოს ინტერესებს“, – აღნიშნა კახა კალაძემ.

ამასთან, სანქციებთან მიმართებაში, რომელზეც საუბარია ევროპარლამენტის რეზოლუციაში, რომელსაც ხვალ უნდა ეყაროს კენჭი, თბილისის მერი აცხადებს, რომ ეს ხელისუფლებისთვის შემაჩერებელი ფაქტორი ვერ იქნება.

ჩვენ არაერთხელ გაგვიკეთებია განცხადება, რომ სანქციები ვერ იქნება შემაჩერებელი, როდესაც საქმე ეხება ქვეყნის ინტერესს და მის მიმავალს.

ვერანაირი სანქცია ვერ შეგვაჩერებს, არავის ეშინია სანქციების. ჩვენ ყოველთვის დავიცავთ ჩვენს ქვეყანას, მის ინტერესებს.

ის კონკრეტული ბიუროკრატები, კორუმპირებული, გაბოროტებული ბიუროკრატები, ყველაზე არ მაქვს საუბარი, გაგიჟებულები არიან, რომ მათ განიცადეს მარცხი, ისინი დამარცხდნენ საქართველოში.

ჩვენი ქვეყნის მოსახლეობის უმრავლესობამ უთხრა „არა“ ამ კორუმპირებულ ევროპულ ბიუროკრატიას და მიიღო შესაბამისი გადაწყვეტილება – მხარი დაუჭირა ქვეყანაში მშვიდობას, მხარი დაუჭირა იმას, რომ ქვეყანამ გააგრძელოს განვითარება, არ შეუერთდეს სანქციებს, არ გაჩაღდეს მეორე ფრონტი და არ მივიღოთ ის კატასტროფული მდგომარეობა, რაც დღეს უკრაინაშია“, – აღნიშნა კახა კალაძემ.

დედაქალაქის მერმა ჟურნალისტებთან საუბრისას კომენტარი გააკეთა ასევე ქართველი ოპოზიციონერი პოლიტიკოსების – ნიკა გვარამიასა და ზურა გირჩი ჯაფარიძის მოთხოვნაზე ხელისუფლების წარმომადგენლების დასანქცირების შესახებ.

ეს არ არის ახალი თემა. ჩვენ ვიცით ადგილობრივი რადიკალები, რომლებიც მოქმედებენ სხვა ქვეყნის ინტერესების გათვალისწინებით, თავიანთი პატრონების დავალებების შესასრულებლად.

ჩვენ ისიც გვახსოვს, რომ ეს ადამიანები დარბოდნენ, რათა როგორმე ვიზალიბერალიზაციის პროცესი შეჩერებულიყო, ქვეყანას არ მიეღო კანდიდატის სტატუსი, არ მომხდარიყო ასოცირების ხელშეკრულების გაფორმება. ყველაფერს ცდილობენ, რომ როგორმე ქვეყანა დააზიანონ, თავიანთ პატრონებს მიაღებინონ ანტისახელმწიფოებრივი გადაწყვეტილებები, ხალხის და ქვეყნის წინააღმდეგ.

რა თქმა უნდა, მათ ქვეყნის შიგნით არანაირი რესურსი არ გააჩნიათ. ისინი არიან დამარცხებული, გაფარჩაკებული, გაუბედურებული რადიკალები. ამ ქვეყანაში რადიკალიზმს, ბოროტებას არანაირი მომავალი არ აქვს. რადიკალიზმი ყოველთვის იქნება დამარცხებული“, – განაცხადა კახა კალაძემ.

ინფორმაციას თბილისის მერიის პრესცენტრი ავრცელებს

კომენტარები - დატოვეთ თქვენი მოსაზრება
spot_img

მსგავსი სტატიები

თბილისის ვიცე-მერის პოსტს გიორგი ტყემალაძე დაიკავებს

თბილისის ვიცე-მერი გიორგი ტყემალაძე იქნება, რომელიც აქამდე დედაქალაქის საკრებულოს...

“როგორ შეიძლება პოლიტიკურ პარტიას, რომელიც სხვა ქვეყნის ინტერესებს ემსახურება, არჩევნებში გამარჯვების რაიმე შანსი ჰქონდეს”...

თბილისის მერმა მედიასთან მომავალ თვითმმართველობის არჩევნებში ოპოზიციური პარტიების მონაწილეობის...

“სინამდვილეში ეს წერილი არის მოსკოვისთვის დაწერილი და მიმართულია არა ტრამპზე, არამედ მოსკოვზე” – მიხეილ...

საქართველოს მე-3 პრეზიდენტი, მიხეილ სააკაშვილი აგრძელებს პოლიტიკურ შეფასებებს ირაკლი...

“მას შეეძლო ხელისუფლებისთვის დაკავებული ახალგაზრდების და ჟურნალისტის გამოშვება ეთხოვა”

საპატრიაქო ტახტის მოსაყდრე შიოს მიმართვას მრევლის, საზოგადოებისადმი, კონკრეტული შეფასებებით...

spot_img

"პარალელის" გამოკითხვა

დღის პოპულარული

“ძალიან დიდი ბოდიში სინდისის პატიმრებთან, მაგრამ მათი გადასაწყვეტი არაა აქციაზე მიშას ბანერი იქნება თუ...

საპროტესტო აქციებზე დაკავებული პირების წერილი გავრცელდა სოციალურ ქსელებსა და...

“ნუ გიყვართ ადამიანების თრევა ნებისმიერი საბაბით, ყველას თავისი ფრონტის ხაზი აქვს ამ რეალობაში” –...

გირაოს გადახდა/არგადახდის თემაზე აზრთა სხვადასხვაობას თავისი პოზიციით ეხმაურება "გირჩი...

“განსაკუთრებით ვამაყობ ჩემი ნიკუშათი, გარდა იმისა, რომ ბევრ რამეში გაჭრილი ვაშლივით მგავს, კიდევ უფრო...

საქართველოს მესამე პრეზიდენტი, მიხეილ სააკაშვილი თინა ბოკუჩავას, პეტრე ცისკარიშვილის...

“საკუთარი გამოცდილებით გეტყვით, ვისაც ამ საკითხთან შეხება არასდროს ჰქონია” – ირაკლი ოქრუაშვილი

თავდაცვის ყოფილი მინისტრი, ირაკლი ოქრუაშვილი კონკრეტულ ფაქტებს იხესნებს პირადი...