პოლიტიკის ექსპერტი დავით ზურაბიშვილი, კონკრეტულ ინტერპრეტაციებს ახდენს დიფსთეითთან დაკავშირებით და (არა)რიტორიკული შეკითხვებით მიმართავს საზოგადოებას:
“გლობალური ომის პარტია ანუ იგივე დიფსთეითი:
ა) რუსებს აწყებინებს ომს უკრაინასთან და უკრაინას რუსეთთან;
ბ) გაეროს, ევროსაბჭოს და ევროკავშირს რასაც უნდა იმ რეზოლუციას აწერინებს;
გ) აკოტრებს შვეიცარიის ბანკს ბიძინა ივანიშვილზე ზეწოლის მიზნით და ბიძინას ადვოკატების მიერ დაწერილ მამხილებელ წერილს ევროპის არცერთ საინფორმაციო საშუალებას არ აქვეყნებინებს;
დ) რასაც უნდა იმას ალაპარაკებს საფრანგეთის პრეზიდენტს და გერმანიის კანცლერს;
ე) ამხობს კანონიერ ხელისუფლებებს ტუნისში, ეგვიპტეში, ლიბიაში, სირიაში, უკრაინაში და სომხეთში;
ვ) აკონტროლებს მსოფლიო ბანკს და საერთშორისო სავალუტო ფონდს და თავის ნებაზე ცვლის ვალუტის კურსს;
მააააგრაამ საქართველოში ოთხჯერ ჰქონდა სახელმწიფო გადატრიალების მცდელობა და ოთხჯერვე დამარცხდა ბიძინასთან და კობახიძე-მდინარაძეებთან. შეიძლება ითქვას, ძვრაც ვერ უყო ერთ მუშტად შეკრულ საქართველოს ხელისუფლებას.
ჰოდა, იმის თქმა მინდა, რომ არსებობს ლეგენდა თითქოს არსებობენ საქართველოში ჭკვიანი და განათლებული ადამიანები, ვისაც ეს ყველაფერი სერიოზულად სჯერა.
არა, ისეთი ადამიანები რომ არსებობენ, ვისაც ეს ყველაფერი სჯერა კი ვიცი, მაგრამ ჭკვიანი და განათებული კი არა ელემენტარული ბნელი და გონებაჩლუნგი თუ არა ხარ, ეს რანაირად უნდა გჯეროდეს, იქნებ ამიხსნას ვინმემ?” – წერს ფეისბუქის პირად გვერდზე დავით ზურაბიშვილი.
