პარტია “ფედერალისტების” ერთ-ერთი ლიდერი, თბილისის ორგანიზაციის ხელმძღვანელი, თამარ ჩერგოლეიშვილი პოლიტიკურ შეფასებებს აკეთებს “ქართული ოცნების” საპატიო თავმჯდომარის, ბიძინა ივანიშვილის მიმართ:
“რა ბოდვაც არ უნდა მოისმინოთ რეჟიმისგან იმაზე, რომ ტრამპი მათი მოკავშირეა, სულ გახსოვდეთ:
ბიძინა ივანიშვილს ადევს ამერიკის შეერთებული შტატების ხაზინის სანქცია! ბაიდენმა დაადო, მაგრამ აგერ ტრამპია და სანქცია ისევ ADEVS!
ყველა ქვეყნისთვის – საუდის არაბეთი იქნება, ისრაელი, ყაზახეთი, აზერბაიჯანი, თუ ბრაზილია, ეს იმას ნიშნავს, რომ საქართველოს მმართველს მსოფლიოს ყველაზე ძლიერი სახელმწიფო კეთროვნად განიხილავს.
ჩვენთვის რას ნიშნავს, თანდათან დავინახავთ, კრიზისის დამძიმების პარალელურად.
ამასობაში, ქოცი ამომრჩეველიც დარწმუნდება, რომ ივანიშვილმა ვერც თავი დაიცვა სანქციისგან და ვერც მის მიერ შექმნილ კრიზისს აგვარებს“, – წერს ფეისბუქის პირად გვერდზე თამარ ჩერგოლეიშვილი.
