მამების და შვილების მარშში მონაწილეობასთან დაკავშირებით სამართალდამრღვევად მიიჩნიეს და სასამართლომ 5000 ლარით დააჯარიმა ევროინტეგრაციის საკითხებში ყოფილი სახელმწიფო მინისტრი ალექსი (ბუკა) პეტრიაშვილი, რასაც საზოგადოების გარკვეული ნაწილის აღშფოთება მოჰყვა. ამ მხარდაჭერის საპასუხოდ და მადლიერების გამოსახატად სოციალურ ქსელში პოსტი გამოაქვეყნა ალექსი პეტრიაშვილმა და საზოგადოებას პროტესტის გაგრძელებისკენ მოუწოდა:
“მადლობა ხალხო! არ იდარდოთ! ვიბრძოლოთ მზია ამაღლობელისთვის, თემურ ქათამაძესთვის, ანდროსთვის, შოთიკოს კბილა ბიჭებისთვის, ოკმელასთვის, ყველა დაჭერილისთვის!
ახლოსაც არ მივა ამათი ფარჩაკობა ჩვენ ბრძოლასთან! შოთიკო ყველგან ჩემთან/ჩვენთანაა!
გავიმარჯვებთ სახელოვნად! 🙏❤️✊🇬🇪“, – წერს ფეისბუქის პირად გვერდზე ალექსი პეტრიაშვილი.
ინფორმაციისვის: გასული წლის 11 ოქტომბერს ტრაგედია დატრიალდა ყოფილი სახელმწიფო მინისტრის, ალექსი პეტრიაშვილის ოჯახში. უბედური შემთხვევის შედეგად, მისი ვაჟი ტრაგიკულად დაიღუპა.
