“ლეიბორისტული პარტიის” თავმჯდომარე შალვა ნათელაშვილი აშშ-ში შეხვდა ჰელსინკის კომისიის თავმჯდომარეს, კონგრესმენ ჯო უილსონს და ემოციური შეფასებებით მიმართა:
“მიტინგებზე ხალხი მაბარებს თქვენთან უდიდესი მოკითხვებს ქართველი ხალხი, რომლებიც ბარიკადებზე დგას, უდიდეს მადლობას გიხდის იმისთვის, რასაც თქვენ აკეთებთ ჩვენი ქვეყნის თავისუფლებისა და დამოუკიდებლობისთვის.
ფაქტი ერთია, რომ ქართველ ხალხს ისეთი დიდი მეგობარი უცხოეთში, როგორიც თქვენ ბრძანდებით, ათასწლოვანი ისტორიის მანძილზე არ ჰყოლია.
ამიტომ, როცა დიქტატურას მოვიცილებთ, ახალი ლეგიტიმური მთავრობის პირველი გადაწყვეტილება იქნება თქვენთვის ეროვმული გმირის წოდების მინიჭება. ეს ქართველი ხალხის ნებაა” – განაცხადა შალვა ნათელაშვილმა.
“ჩემთვის ჯილდო იქნება, როდესაც ქართველი ხალხი და ქვეყანა თავისუფალი იქნება“, – უპასუხა ჯო უილსონმა.
