კოალიცია “ძლიერი საქართველოს” ლიდერი მამუკა ხაზარაძე, პარტია “გახარია საქართველოსთვის” მიერ, 3 კოალიციის 49 დეპუტატისთვის უფლებამოსილების ვადამდე შეწყვეტასთან დაკავშირებით, პოზიციის კონკრეტული ბანერით დაფიქსირებას, მწვავე პოლიტიკური შეფასებებით ეხმაურება:
“გახარია-ს პარტიის გავრცელებული ბანერი პირდაპირი კოპირებაა “ოცნების” ცილისმწამებლური პროპაგანდის, რომელსაც დიდი ხანია აწარმოებს ჩემი და “ლელოს” წინააღმდეგ.
მაინც ვიმედოვნებდი, რომ ამ გაუგებრობას ახსნა-განმარტებას მოუძებნიდით, ან ბოდიშს მაინც შემოგვითვლიდით… ახლა ვრწმუნდები, რომ შეგნებულად დაგვესხით თავს, თუ ასე არაა, გვითხარით, რომ ვცდები და ახსენით!” – წერს ფეისბუქის პირად გვერდზე მამუკა ხაზარაძე და რამდენიმე საათის შემდეგ კონკრეტულ პოზიციას აფიქსირებს:
“რჩები პარლამენტში?! – ხარ ბიძინას რუსული პროექტი!“.
