საქართველოს პრემიერ-მინისტრმა გიორგი გახარიამ პოლიტიკოსთა ნაწილი ქვეყანაში შექმნილი მძიმე მდგომარეობის მათ სასარგებლოდ გამოყენებაში, ამით ქულების ჩაწერასა და სწრაფი ტესტების თემით სპეკულირებაში დაადანაშაულა. მისი განმარტებით სწრაფი ტესტები არ არის პანაცეა:
„სწრაფი ტესტები ეს არ არის პანაცეა, ეს არის უბრალოდ უპასუხისმგებლო პოლიტიკოსის, რომელსაც წარმოდგენა არ აქვს სწრაფ ტესტებს შემდგომი განვითარების რა ეტაპები უნდა მოჰყვეს და საერთოდ როგორი სტრატეგია აქვს ქვეყანას აღებული, რათა გაუმკლავდეს მსგავს გამოწვევას.
სირცხვილია, როდესაც ასეთ მდგომარეობაში ზოგი ადამიანი ცდილობს დამატებითი მოგების მიღებას.
ჩემთვის არანაირი მნიშვნელობა არ აქვს, ეს იქნება ფინანსური მოგება თუ დამატებითი პოლიტიკური დივიდენდები, როდესაც ადამიანებს ასე უჭირთ ყოველდღიურად.
ჩვენ ვშრომობთ და ვმუშაობთ მხოლოდ და მხოლოდ იმისთვის, რომ როგორმე მინიმალური დანაკარგებით ჯანმრთელობისთვის და ეკონომიკისთვის გავუძლოთ და ვუპასუხოთ ამ გამოწვევას,“ – განაცხადა გიორგი გახარიამ.
ავტორი
თამთა ასლანიშვილი