მერაბ დვალიშვილმა საჩემპიონო ქამრის დაცვა, UFC-ის სუპერმსუბუქ წონაში, შთამბეჭდავი გამარჯვებით მოახდინა. ბრძოლის შემდეგ, გამარჯვებულმა, ემოციური კომენტარი გააკეთა და გულშემატკივრებს, განსაკუთრებით ქართველებს, მადლობა გადაუხადა მხარდაჭერისთვის:
“მადლობა ჩემს გულშემატკივრებს და ყველა ქართველს, მიყვარხართ ქართველებო! იცით, რომ არასდროს ვჩერდები და მუდამ ვვარჯიშობ, მაგრამ როდესაც ბრძოლას 6 კვირით ადრე დავთანხმდი, ტრავმირებული ვიყავი. ფეხი მქონდა ნატკენი და ნაკერები მედო, თუმცა ვიცოდი, რომ UFC-ის ვჭირდებოდი.
უმარი ძლიერი მებრძოლია. მან მე მოხუცი მიწოდა. დიახ, მოხუცი ვარ, მაგრამ ყოველდღე ვვარჯიშობ. მჯერა, რომ შრომითა და საკუთარი თავის რწმენით, ყველაფრის მიღწევა არის შესაძლებელი.
მთელი მსოფლიო ჩემ წინააღმდეგ იყო, ფავორიტად არ ვითვლებოდი, მაგრამ ეს არ მაინტერესებს, მე საკუთარი თავის რწმენა მაქვს.
მიყვარხართ ქართველებო!” – განაცხადა მერაბ დვალიშვილმა.
ინფორმაციისთვის: მერაბ დვალიშვილმა ამ შთამბეჟდავი გამარჯვებით UFC-ის სუპერმსუბუქი წონაში საჩემპიონო ქამარი დაიცვა. ქართველმა მებრძოლმა რუსეთის სახელით მებრძოლი უმარ ნურმაგომედოვი დაამარცხა. აღსანიშნავია, რომ მერაბმა ჟორჟ სენ-პიერის რეკორდი მოხსნა და ორგანიზაციის ისტორიაში ყველაზე მეტი გდება (“თეიქდაუნი”) დააგროვა.
