“შეეგუეთ რომ ამ რეჟიმში მოგიწევთ ცხოვრება. და რა თქმა უნდა, ბოლოს ჩვენ გავიმარჯვებთ სახელოვნად!” – ნინო ჯანგირაშვილი “ქართულ ოცნებას” მიმართავს

ტელეკომპანია “კავკასიას” გენერალური დირექტორი, ნინო ჯანგირაშვილი “ქართულ ოცნებას” პერმანენტული პროტესტის სხვადასხვა ფორმით დისკომფორტის შექმნას უანონსებს:

“ჩვენ, ვისაც არ გვინდა საქართველო რუსეთი გახდეს, უკვე კარგად გავაცნობიერეთ, რომ ცხოვრება არასოდეს იქნება ძველებური, ჩვეულებრივი, სანამ ეს რეჟიმი არ მოშორდება.

ჩვენ უკვე ამ მოდუსში ვფუნქციონირებთ, გადავეწყვეთ, ვიცით, რომ ყველაფერი მეორეხარისხოვანია, სანამ თქვენ არ მოშორდებით ქოცებო. მინიმალურ კომფორტებსაც მოვიკლებთ, თუ საჭიროა ქუჩაში ვიდგებით დაუსრულებლად, დაგვიჭერთ კიდევაც და გვცემთ კიდევაც. ოკ.

ხოდა, დროა თქვენც გააცნობიეროთ, რომ ცხოვრება აღარასოდეს იქნება ძველებური, ჩვეულებრივი, თითქოს არაფერი ხდება. ხომ გადაწყვიტეთ იჭიდაოთ, მოებღაუჭოთ ძალაუფლებას და კეთილდღეობას?

ხოდა, შეეგუეთ რომ ამ რეჟიმში მოგიწევთ ცხოვრება. და რა თქმა უნდა, ბოლოს ჩვენ გავიმარჯვებთ სახელოვნად!“, – წერს ფეისბუქის პირად გვერდზე ნინო ჯანგირაშვილი.