ქართველი თეატრისა და კინოს მსახიობი, საქართველოს სახალხო არტისტი ლეო ანთაძე, ჩდც-ს მსახიობების მარშში მონაწილეობის დროს, ემოციურ შეფასებებს აკეთებს ქვეყანაში მიმდინარე პროცესებსა და ახალგაზრდების აქტიურობებთან დაკავშირებით:
“არ შემიძლია დიდი აღფრთოვანება არ გამოვხატო ჩვენი ახალგაზრდობის მიმართ. ეს რა ახალგაზრდობა გვყოლია! როგორი გონიერი, რანაირად მეტყველებენ, აზროვნებენ, როგორ უყვართ თავისი ქვეყანა…
სამწუხაროდ პატიმრობაში ჰყავს მთავრობას ეს ახალგაზრდები. მაგრამ მე დარწმუნებული ვარ, “ბოროტსა სძლია კეთილმან, არსება მისი გრძელია…” – რუსთაველმა რომ თქვა, აი ასე მოხდება ყველაფერი.
ყველაფერი კარგად დამთავრდება! არ შეიძლება, რომ სიბოროტემ გაიმარჯვოს – ეს ჭეშმარიტებაა!“- აცხადებს ლეო ანთაძე.
