საქართველოს მეხუთე პრეზიდენტი, სალომე ზურაბიშვილი სოციალურ ქსელში, პლატფორმა X-ზე განცხადებას აქვეყნებს და საზოგადოებას მიმართავს:
„მე ვრჩები ერთგული დავრჩე ქართველი ხალხის სამსახურში, როგორც მათი პრეზიდენტი, უკვე ახალი ოფისიდან, რომელიც თავის თავში ორბელიანის საპრეზიდენტო სასახლის სულისკვეთებას ატარებს.
ჩვენი ბრძოლა დემოკრატიისთვის განუხრელად გრძელდება და იქნება მტკიცე, სანამ საქართველო ახალ არჩევნებს არ მიაღწევს”, – წერს სალომე ზურაბიშვილი.
უფრო ადრე, სპეციალურ ბრიფინგზე, ასევე, მიმართა საზოგადოებას და განაცხადა:
“ბრძოლა გრძელდება და მისი მთავარი კომპონენტი ის ხალხია, რომელიც ქუჩაში დგას და რომელსაც მეც ვუერთდები. ორი აზრი არ არის, რომ ახალი არჩევნები დაინიშნება, მე ვარ და ვიქნები პრეზიდენტი.
ვადასტურებ, რომ მივდივარ პრეზიდენტ ტრამპის ინაუგურაციაზე, ვაშინგტონში ვიქნები ჯო უილსონის დაპატიჟებით. ჩვენც გვაქვს საშუალებები გამოვიდეთ ამ იზოლაციიდან, მე მაქვს ეს როლი და მას სრულყოფილად ვასრულებ. პრაქტიკულად, ყოველდღიური კავშირი მაქვს ჩვენს უცხოელ პარტნიორებთან“.
