ევროვიზია 2020 კორონავირუსული ინფექციის მსოფლიო მასშტაბით გავრცელების გამო აღარ გაიმართება. ამის შესახებ ინფორმაციას ევროპის მაუწყებელთა კავშირი (EBU) ავრცელებს.
ინფორმაცია EBU-მ 18 მარტს ოფიციალურად დაადასტურა. განცხადებაში ასევე ნათქვამია, რომ მომავალ 2021 წელს ევროვიზიაზე იგივე სიმღერებით წარდგენა დაუშვებელია, ხოლო მონაწილეებს რაც შეეხებათ ქვეყნებს შეუძლიათ დატოვონ იგივე მომღერალი ან შეცვალონ.
კითხვაზე თუ რატომ არ ტარდება კონკურსი დამსწრე მაყურებლების გარეშე? პასუხი ასეთია – „თუნდაც მაყურებლის გარეშე ჩატარების შემთხვევაში აუცლებელი იყო როტერდამს ემასპინძლა 41 ქვეყნის დელეგაციისათვის, რაც ნიდერლანდების მთავრობის მიერ მიღებულ შეზღუდვებს ეწინააღმდეგება, როგორებიცაა საჯარო თავყრილობები და საზღვარზე დაწესებული შეზღუდვა“.
როტერდამში 12, 14 და 16 მაისს უნდა გამართულიყო ევროვიზიის კონკურსი, სადაც საქართველოს მომღერალი თორნიკე ყიფიანი წარადგენდა, სიმღერით “take me as i am”, რომელსაც ევროვიზიის ოფიციალურ YouTube არხზე1 მილიონზე მეტი ნახვა აქვს.
ასევე ცნობილი ხდება, რომ 2021 წელს კვლავ თორნიკე ყიფიანი მიიღებს მონაწილეობას ევროპის კონკურსში.
ევროვიზიის 64-წლიანი ისტორიის განმავლობაში პირველად ევროპის მაუწყებელთა კავშირმა (EBU) მიიღო ღონისძიების გაუქმების გადაწყვეტილება. აქამდე მსგავსი პრობლემის წინაშე კონკურსი და მისი ორგანიზატორები არ ყოფილან.
EBU მწუხარებას გამოთქვამს ღონისძიების გაუქმების გამო და ნიდერლანდებს და მონაწილე 41 ქვეყანას მადლობას უხდის იმ გაწეული შრომისათვის რაც 2020 წლის კონკურსის გამართვისათვის გაიღეს.
ავტორი
თამთა ასლანიშვილი