,,ერთიანობა- ნაციონალური მოძრაობის” ერთ-ერთი ლიდერი, გიგი უგულავა სოციალურ ქსელში ეხმაურება აშშ-ს მთავრობის მიერ ბიძინა ივანიშვილის დასანქცირების ფაქტს:
,,ივანიშვილი დაასანქცირეს, როგორც ფიზიკური პირი, როგორც რუსეთის სასარგებლოდ საქართველოს დემოკრატიისა და სახელმწიფოებრიობის ძირგამომთხრელი. ანუ როგორც რუსეთის ჯაშუში, გნებავთ აგენტი (დიახ უცხო ქვეყნის, უფრო ზუსტად, რუსეთის აგენტი!). ის რომ “მაგნიცკის აქტით” დაესანქცირებინათ, მისთვის გაცილებით მძიმე იქნებოდა ფინანსურად. ეს სამუდამო დამღა იქნებოდა, რადგან ამ სიაში ადამიანის უფლების დამრღვევები ხდებიან. იქედან ვეღარასდროს ამოძვრები.
წარმავალმა ბაიდენის ადმინისტრაციამ ეს გადაწყვეტილება ტრამპის მომავალ ადმინისტრაციასთან შეთანხმებით გააკეთა. ეს სანქციები სწორედ რესპუბლიკელებმა დაანონსეს. პათოსიც შესაბამისი იყო – რუსეთის, ირანის, ჩინეთის, ჰესბოლასა და ჰამასის მეგობარი ჩვენი მეგობარი ვერ იქნება. ტრამპი ადამიანის უფლების დაცვაზე მეტად გეოპოლიტიკური ორიენტირებით ხელმძღვანელობს. ივანიშვილის იმედი, რომ ის რეგიონს უბრალოდ დაიკიდებდა არ გამართლდა. პირიქით, ტრამპი ის ტიპაჟია რომელიც ჩადებული ინვესტიციის ახევას არავის პატიობს. აგერ პანამის არხის მაგალითიც კმარა.
ჩვენი რეგიონოდან ტრამპს ტელეფნით ესაუბრა ალიევი, ფაშინიანი, ერდოგანი. შეხვდა ზელენსკის. საქართველოდან შეხვდა მხოლოდ პრეზიდენტ ზურაბიშვილს. ივანიშვილი და ოცნება ხაზგასმით საჯარომო კუთხეშია დაყენებული.
თავად სანქციები მხოლოდ ბიძინას შეეხო (ოჯახი ამჯერად მოლოდინის რეჟიმშია). ანუ სანქციების მუშტი მოხვდა, ხოლო მახვილი კისერთანაა დაკიდებული
ამ ფაქტების ერთობლიობიდან გამომდინარეობს, რომ ტრამპის ადმინისტრაცია ივანიშვილს ძლიერის პოზიციიდან დაელაპარაკება – საქართველოს რუსეთში არ გაგაგატანთ. წადი და გადარჩები. ივანიშვილს სავაჭრო არც არაფერი დარჩა. ან უნდა დანებდეს და გადარჩება სადმე საფრანგეთში ან იანუკოვიჩივით გაიქცევა რუსეთში.
აი ეს ყველაფერი მოიტანა ხალხის ქუჩაში დგომამ. მხოლოდ და მხოლდ ხალხის შიშველი ხელებით ბრძოლამ
ეს ყველაფერი რომ სრულად ცხადი გახდეს ორი სამი თვე მაინც დასჭირდება.
ბრძოლა გრძელდება გამარჯვებამდე✊”, – წერს გიგი უგულავა სოციალურ ქსელში.
ავტორი
მარიამ ხაჩირაშვილი
