პარტიების დაფინანსებასთან დაკავშირებით ცალკეული პარტიების პოზიცია/ბრალდებებს მწვავე შეფასებებით და კონკრეტული განმარტებებით ეხმაურება პარტია ფედერალისტების ლიდერი თამარ ჩერგოლეიშვილი:
“მეგობრებო, ირეცხება მეინსტრიმ ოპო პარტიები.
ამ გრანდ ჩარეცხვისას, გადარჩენას ცდილობენ, ფართხალებენ, ხავსს ებღაუჭებიან და ერთმანეთს აბრალებენ კუდიანობას.
მათ არ გააჩნიათ raison d’etre -ი.
ძალაუფლების ხელში ჩაგდებაა ერთადერთი ამოცანა.
ძალაუფლებაა მათი მიზანი და არა საშუალება, საკუთარ თავზე დიდი მიზნების მისაღწევად.
ამას ქართველი ხალხი, მისი კოლექტიური, ინსტიქტური სიბრძნით, ხვდება და რეცხავს – ოპოზიციის და მმართველი პარტიის დელეგიტიმაციას ერთდროულად ახდენს.
თვითგადარჩენის კონვულსიებია ეს ურთიერთბრალდებები – ეგებ რომელიმე უფრო გვიან ჩაირეცხოს.
სინამდვილეში ბიუჯეტიდან დაფინანსება ამ პარტიების ამომრჩევლის ფულია და არა მთავრობის.
ცალკე საკითხია, რომ ეს ამომრჩეველი იძულებული იყო ხმა ამ იდიოტებისთვის მიეცა.
მაგრამ გინდ ისე, გინდ ასე – ეს ფული არის ამ პარტიების ამომრჩევლის!!!
მოგვიანებით დავუწერ რა უნდა იყოს მათი ამოცანა შემდეგი სამი თვე! – თუ გადარჩენა უნდათ.
პ.ს. განათლების რეფორმაზე რომ ვიკამათო “ხალხს წყინს” ხო გესმით, და ამიტომ ბლოკავენ ოპო მედიები.
ხალხს თურმე უხარია კუდიანების ძებნა და ფულზე ბრალდებები“, – წერს ფეისბუქის პირად გვერდზე თამარ ჩერგოლეიშვილი.
