“ძალიან ცუდი სურათი იქნება, ჩვენ რომ მოგვიწიოს რეზიდენციიდან მისი გამოყვანა ძალით და გადაყვანა სასჯელაღსრულების დაწესებულებაში” – ირაკლი კობახიძე

მთავრობის მეთაური, ირაკლი კობახიძე პრეზიდენტს სალომე ზურაბიშვილს აფრთხილებს:

“სალომე ზურაბიშვილის და სხვა შესაბამისი პირების გაფრთხილება არის ჩვენი მოვალეობა. ეს არის არა მარტო ჩვენი რაღაცა უფლება, არამედ ეს არის მოვალეობა. ნებისმიერი ხელისუფლება უნდა იყოს ორიენტირებული არა რეპრესიისკენ, არამედ დანაშაულის პრევენციისკენ. ჩვენი ამოცანა, ამ შემთხვევაში, არის დანაშაულის პრევენცია, ამიტომ ჩვენ უნდა გავაფრთხილოთ, რა თქმა უნდა, სალომე ზურაბიშვილი.

ძალიან ცუდი სურათი იქნება, ჩვენ რომ მოგვიწიოს რეზიდენციიდან მისი გამოყვანა ძალით და გადაყვანა სასჯელაღსრულების დაწესებულებაში. რა თქმა უნდა, ეს არ არის სასურველი სურათი. ეს შეიძლება აწყობდეთ სალომე ზურაბიშვილის პატრონებს და შეიძლება მისცენ ასეთი დავალება, მაგრამ ეს არ იქნება ლამაზი. ესეც ქვეყანას არ დააქცევს, არაფერი განსაკუთრებული, უბრალოდ არ იქნება ლამაზი სურათი.

აქედან გამომდინარე, ჩვენი მოვალეობაა, გავაფრთხილოთ სალომე ზურაბიშვილი, რომ არ ჩაიდინოს დანაშაული და შესაბამისად, არ მოუწიოს თავადაც ამ ულამაზო სურათში მონაწილეობა“, – განაცხადა ირაკლი კობახიძემ.