“ჩვენი მოსახლეობა კვლავ დაუცველია და მათი უსაფრთხოებისთვის ამ ქოცკოლაბორაციონისტი მთავრობის მხრიდან რეალურად არაფერი კეთდება” – დავით ქაცარავა

ანტისაოკუპაცია მოძრაობა “ძალა ერთობაშიას” დამფუძნებელი, დავით ქაცარავა, რუსი ოკუპანტების მიერ საქართველოს მოქალაქეების მორიგი გატაცების ფაქტის შესახებ საუბრობს;

“ოკუპანტებმა ჩვენი ორი მოქალაქე გაიტაცეს.

გატაცება ქვემო ნიქოზის მიმდებარე ტერიტორიაზე მოხდა.

ოკუპანტებმა გადმოკვეთეს მათ მიერვე დაწესებული ოკუპაციის ხაზი და ჩვენი მოქალაქეები ჩვენივე “კონტროლირებადი” ტერიტორიიდან გაიტაცეს.

ჩვენი მოსახლეობა კვლავ დაუცველია და მათი უსაფრთხოებისთვის ამ ქოცკოლაბორაციონისტი მთავრობის მხრიდან რეალურად არაფერი კეთდება.

ოკუპანტები თავს მაქსიმალურ კომფორტში გრძნობენ და აგრძელებენ ჩვენი მოსახლეობის ტერორს“, – წერს ფეიაბუქის პირად გვერდზე დავით ქაცარავა.