აშს-ს არჩეულ პრეზიდენტ დონალდ ტრამპთან დაკავშირებით “ქართული ოცნების” მოლოდინების მხრივ იმედგაცრუებაზე საუბრობს “კოალიცია ცვლილებებისთვის” ერთ-ერთი ლიდერი, ნიკა მელია:
“რეჟიმის მთელი ოპტიმიზმი ტრამპის ინაუგურაციას უკავშირდებოდა და მოუთმენლად ელოდნენ 20 იანვარს. ე.წ. გადატვირთვით ამხნევებდნენ საკუთარ მომხრეებს და ამშვიდებდნენ სანქცირებისთვის განწირულ თანაგუნდელებს.
ახლა კი, ეს მირაჟიც უქრებათ. უკვე იმაზე ალაპარაკდნენ რომ ტრამპთან დაკავშირებით, საქართველო არც უიმედოდ უნდა იყოს და არც ზედმეტი იმედები უნდა დაამყაროს.
“თუ ტრამპი შეძლებს ამოძირკვოს არაფორმალური გავლენები, ჩვენზე წნეხი იხსნება, თუ ეს ვერ მოხდა, მაშინ ტურბულენტობა გაგრძელდება” – ამბობს მდინარაძე და უკვე ცხადია რასაც იტყვიან 20 იანვრის შემდეგ – რომ ტრამპმა ამერიკაში ვერ ამოძირკვა არაფორმალური გავლენები.
წყალწაღებულ რეჟიმს ხავსიც ხელიდან ეცლება“, – წერს ფეისბუქის პირად გვერდზე ნიკა მელია.
