ქვეყანაში შექმნილ რეალობას ანალიტიკური შეფასებებით ეხმაურება სოციოლოგიის დოქტორი იაგო კაჭკაჭიშვილი:
“ერთ მნიშვნელოვან ასპექტს უნდა მივაქციოთ ყურადღება:
საქართველოში სრულყოფილი ავტორიტარიზმი/დიქტატურა ფეხს ვერ მოიკიდებს მანამ, სანამ არსებობს ხელისუფლების მიმართ აშკარად, ანუ გარეთ გამოხატული მასობრივი წინააღმდეგობა.
როგორც კი ეს წინააღმდეგობა “სამზარეულოებში” გადაინაცვლებს და ფარული გახდება, ხელისუფლება დაიწყებს წინააღმდეგობის მოძრაობის წევრების დატერორებას.
ტოტალიტარიზმის ისტორია (მაგ., ნაცისტური გერმანიის, სტალინური საბჭოთა კავშირის და სხვ.) აჩვენებს, რომ მისი აშენება შეუძლებელია თავისუფალ საზოგადოებაში.
მართალია, 21-ე საუკუნე ციფრული ტექნოლოგიების საუკუნეა და აქ წინააღმდეგობის დაფარვა პირობითი ხდება, მაგრამ მაინც – ვირტუალურ სივრცეში აქტიურობა ვერასოდეს ჩაანაცვლებს რეალურ – ქუჩებში გამოხატულ – აქტიურობას“, – წერს ფეისბუქის პირად გვერდზე იაგო კაჭკაჭიშვილი.
