საპარლამენტო უმრავლესობის წევრი, მთაწმინდის მაჟორიტარი დეპუტატი ლადო კახაძე, საგანგებო სიტუაციის გამოცხადების შემთხვევაში, კონკრეტული შეზღუდვებისას ვარაუდობს, რომ აღნიშნულ ფაქტებს ოპოზიცია პოლიტიკურ დევნად აღიქვამს:
“საგანგებო მდგომარეობა მოითხოვს სიმკაცრეს და აღკვეთ ღონისძიებასაც, ადამიანთა იზოლირებას და დასჯას. ისე არ გამოხდეს, რომ იზოლირებული ადამიანები რომელიმე პოლიტიკური მანტიის ქვეშ და პოლიტიკურ დევნად არ აღიქვას მერე სხვამ. ამისი მცდელობა ხომ არ არის სხვისგან, რომ ჩვენგან სამართლიანად მიღებული ან ნაჩქარევად მიღებული გადაწყვეტილების დროს ვიღაცამ თავის სასარგებლოდ პოლიტიკურად მერე ანგაჟირებულ სცენარში არ მოიაზროს.
კაცმა შეიძლება დაარღვიოს, შეიძლება პროვოკატორია, მოხდა მისი იზოლირება და უცბად მთელი პოლიტიკური სპექტრი გამოენთება, აი პოლიტიკური დევნაა და კაცის იზოლირება მოახდინესო. ეს საფრთხეც გაჩნდება,” – განაცხადა ლადო კახაძემ.
