“სტრატეგია აღმაშენებლის” ლიდერი, გიორგი ვაშაძე ეუთო/ოდირის დასკვნას ეხმაურება და ახალი არჩევნების ჩატარების აუცილებლობაზე საუბრობს:
“ეუთო/ოდირის დასკვნამ საბოლოოდ დაადასტურა, რომ საქართველოში არჩევნები ახლიდან არის ჩასატარებელი!
ამიტომ, ჩვენ ვუერთდებით საქართველოს პრეზიდენტ სალომე ზურაბიშვილის განცხადებას, რომ არჩევნების თარიღი, რაც შეიძლება სწრაფად უნდა დაინიშნოს!
“ქართული ოცნება” გასულია კონსტიტუციური ჩარჩოდან, ის არის თვითმარქვია ხელისუფლება, დღეის მდგომარეობით. იმისთვის, რომ საქართველო დაბრუნდეს კონსტიტუციურ ჩარჩოში, აუცილებელია არჩევნები ჩატარდეს ახლიდან.
ასევე უნდა განთავისუფლდეს ყველა პოლიტიკური პატიმარი, შეწყდეს მათზე სისხლის სამართლის საქმე, რომელიც თვითმარქვია რეჟიმმა სრულიად უკანონოდ წამოიწყო პატრიოტი ადამიანების წინააღმდეგ, და ამჟამად საპატიმრო დაწესებულებებში იმყოფებიან“, – განაცხადა გიორგი ვაშაძემ.
