,,სტრატეგია აღმაშენებლის” ახალგაზრდული ორგანიზაციია ერთ-ერთი ლიდერი, ამირან ნატრიაშვილი მწვავე შეფასებას აკეთებს 14 დეკემბერს, პარლამენტში, ე.წ. ხმოსნების მიერ პრეზინდენტად მიხეილ ყაველაშვილის არჩევასთან დაკავშირებით:
,,მიხეილ ყაველაშვილი არის არალეგიტიმური ხელისუფლების მიერ არალეგიტიმურად დასმული პრეზიდენტი, რომელიც არის სრულიად შეუსაბამო ჯერ – პარლამენტარობისთვის და შემდეგ უკვე – პრეზიდენტობისთვის. მიხეილ ყაველაშვილის პრეზიდენტად დასმა ბანდიტი ბიძინა ივანიშვილის მიერ პირდაპირ მიუთითებს, რომ მას სჭირდება ყურმოჭრილი მონა თავისი პრო-რუსული დავალებების შესასრულებლად, რომელსაც რუსული სპეცსამსახურებისგან მიიღებს.
საქართველოში თვითგამოცხადებული ხელისუფლება ცდილობს, რომ საქართველო საერთაშორისო ასპარეზზე წარმოაჩინოს ქვეყანად, სადაც პრეზიდენტი არის გაუნათლებელი, 9 კლასის ატესტატის მქონე, თავის პროფესიაშიდაც კი, როგორც ფეხბურთელი, არც თუ ისე კარგი.
ასე, რომ – ჩვენ არ უნდა დაგვავიწყდეს, რომ არალეგიტიმური ,,ხელისუფლება” გვყავს, არალეგიტიმური პარლამენტის მიერ არის მიხეილ ყაველაშვილი სწორედ დასმული და ის ფაქტი, რომ ბრძოლა გრძელდება ბოლომდე, გამარჯვებამდე, რათა საქართველომ ამ რუსეთის აგენტების მიერ არ დაკარგოს ევროპული მომავალი, ის გეზი და იდენტობა, რომელიც ახალ ისტორიაში ჯერ კიდევ ზვიად გამსახურდიას დროს დაიწყო.
იმ ქვეყანაში, სადაც პრეზიდენტი იყო ზვიად გამსახურდია – ჩვენი ეროვნული გმირი; ედუარდ შევარდნაძე, რომელმაც ძალიან დიდი ცვლილებები მოახდინა საერთაშორისო პოლიტიკაში; მიხეილ სააკაშვილი, რომელიც არის ერთ-ერთი სამაგალითო რეფორმატორი მთელ მსოფლიოში; გიორგი მარგველაშვილი, რომელიც ფილოსოფიის აღმოსავლეთ ევრაზიის პროფესიონალია; იმ ქვეყანაში, სადაც საერთაშორისო და დიპლომატიურ საკითხებს დღევანდელი მოცემულობით ქართველი რკინის ლედი სალომე ზურაბიშვილი ახორციელებს, დღეს არალეგიტიმური პრეზიდენტი ხდება 9 კლასის განათლების მქონე არაპროფესიონალი ფეხბურთელი, მიხეილ ყაველაშვილი, რომელმაც თავისი პოლიტიკური ისტორიის მანძილზე, გინების გარდა სხვა არაფრით არ დაამახსოვრა თავი ხალხს. ეს არის დიდი შეურაცხყოფა ქართველი ხალხის და ქართული ისტორიის”, – განაცხადა ამირან ნატრიაშვილმა.
ავტორი
ნინი ხიჯაკაძე
