“ქართული ოცნების” საპატიო თავმჯდომარის, ბიძინა ივანიშვილის მიერ მიხეილ ყაველაშვილის დასახელებას პრეზიდენტობის კანდიდატად, მწვავე ემოციური შეფასებებით ეხმაურება ანალიტიკოსი, პოლიტიკის ექსპერტი გია ხუხაშვილი:
“მე კითხვები ბიძინასთან აღარ მაქვს.
არც ქართული ოცნების მრევლთან მაქვს, რადგან იმათ, როგორც ჭეშმარიტ “ბიძინას მოწმეებს”, ამ უკანასკნელმა თავზე რომ დააქაქოს, მადლობას გადაუხდიან – “ვიყინებოდით და გაგვათბოო”…
კითხვა მაქვს ყველა იმ ადამიანთან, ვინც თავს ელემენტარულად პიროვნებად თვლის. თვლის, რომ ღირსება აქვს… რომ უყვარს და ფიქრობს საკუთარი შვილების მომავალზე ამ ქვეყანაში…
მათ შორის კითხვა მაქვს საკუთარ თავთანაც – რას დავემსგავსეთ, რომ ამ ყველაფერს ვიტანთ?!…“, – წერს ფეისბუქის პირად გვერდზე გია ხუხაშვილი.
