“მათ აქვთ ერთი და იგივე ანტიქართველების, ბიძინა ივანიშვილის შნირების სახელები” – გიორგი ვაშაძე ხელისუფლებაზე

,,ერთიანობა – ნაციონალური მოძრაობის” ერთ-ერთი ლიდერი, ,,სტრატეგია აღმაშენებლის თავმჯომარე, გიორგი ვაშაძე ჟურნალისტებთან კომენტარს აკეთებს, მთავრობაში განხორციელებულ საკადრო ცვლილებებთან დაკავშირებით:

,,საერთოდ არ მაინტერესებს პირდაპირ გეუბნებით, ეს არის თვითმარქვია ხელისუფლება. ვინ იქნება ახალი სახელი და გვარი თვითმარქვია რეჟიმის, რაღაცა პორტფელის გამკარგველი, ჩემთვის არის ნულოვანი ინტერესი.

მათ აქვთ ერთი და იგივე ანტიქართველების, ბიძინა ივანიშვილის შნირების სახელები, მეტი არაფერი არ აქვთ მათ. ეს არის და ეს, მორჩა დამთავრდა, ჩემთვის ეს ხელისუფლება არ არსებობს, ეს არის თვითმარქვია რეჟიმი და ახლა იმაში შესვლა ვინ ვის ებრძვის, რაში მაინტერესებს ახლა ღარიბაშვილი და კობახიძე რას ჭიდაობს ერთმანეთში.

ხალხნო გავიაზროთ, რომ საქართველოს დღეს ჰყავს თვითმარქვია რეჟიმი და ამ თვითმარქვია რეჟიმს ტერმინოლოგიურადაც თავის სახელი უნდა დავარქვათ და მათ შიგნით არსებული რაღაცა ჭიდაობები ჩვენ საერთოდ უნდა უგულებელყოთ და მიზანი უნდა გავასწოროთ ერთ რამეზე – საქართველოს განვითარებას, ევროპულ ინტეგრაციას, ჩვენს კეთილდღეობას სჭირდება თვითმარქვია რეჟიმისგან განთავისუფლება და კონსტიტუციურ ჩარჩოში საქართველოს დაბრუნება, რომელსაც აცდა დღეს ეს თვითმარქვია რეჟიმი“, – განაცხადა გიორგი ვაშაძემ.

ავტორი
მარიამ ხაჩირაშვილი