„ცინიზმის მწვერვალია, როდესაც რუსული რეჟიმი ამბობს, რომ ვინმემ ვინმეზე იძალადა. ამ ქვეყანაში მთავარი ამრევი, მთავარი მოძალადე არის სწორედ ივანიშვილი, რომელიც ქუჩა-ქუჩა დასდევს ადამიანებს, რომ აღუკვეთოს თავისუფლება და არავის ეგონოს, რომ რომელიმე ასეთი ადამიანი დარჩება მარტო“, – განაცხადა „ერთიანობა ნაციონალური მოძრაობის“ პოლიტსაბჭოს თავმჯდომარემ, ლევან ხაბეიშვილმა.
„ერთიანობა ნაციონალური მოძრაობის“ პოლიტსაბჭოს თავმჯდომარე ლევან ხაბეიშვილი საქალაქო სასამართლოში ანატოლი გიგაურის პროცესს ესწრება და მწვავე შეფასებებს აკეთებს აქციის მონაწილეების დაკავებასთან დაკავშირებით:
ლევან ხაბეიშვილის განცხადებით – „ცინიზმის მწვერვალია, როდესაც რუსული რეჟიმი ამბობს, რომ ვინმემ ვინმეზე იძალადა.
ჩვენ არ დაგვიწყებია არავის თავპირდალეწილი ახალგაზრდები და არა მარტო ახალგაზრდები. არცერთი მოძალადე არც დაკავებულია, არც დაკითხული, როდესაც სახის ძველი დაუმტვრიეს ადამიანებს. რუსულ რეჟიმს კი სრულიად უსაფუძვლოდ 21 წლის ბიჭი ჰყავს გამომწყვდეული ციხეში, ახლა აპირებენ ორი შვილის მამა გამოკეტონ ციხეში.
ეს არის მათი სახე, არ ეშვებიან მშობლების, შვილების, ბებია-ბაბუების წვალებას, წამებას. ეს ყველაფერი არის თავიდან ბოლომდე პოლიტიკური. ამ ქვეყანაში მთავარი ამრევი, მთავარი მოძალადე არის რუსული რეჟიმი, რომელმაც მიიტაცა ხელისუფლება, რომელმაც გააუქმა საქართველოში დემოკრატია, არჩევნები და შესაბამისად, ახლა დასდევს ქუჩა-ქუჩა ახალგაზრდებს და არა მარტო ახალგაზრდებს და ცდილობს, რომ მათ როგორმე აღუკვეთოს თავისუფლება. ჩვენი ამოცანა და მიზანია, რომ არცერთი ასეთი ადამიანი არ დარჩება მარტო და დავიცავთ ყველას ინტერესებს“, – განაცხადა ლევან ხაბეიშვილმა.
ინფორმაციას პარლამენტის საზოგადოებასთან ურთიერთობისა და ინფორმაციის დეპარტამენტი ავრცელებს
